پێدانی مۆڵەتی چەک

پێدانی مۆڵەتی چەکە بۆ هاوڵاتییانی مەدەنی دانیشتووی هەرێمی کوردستان.

لایەنی بەرپرس

بەشی ناسنامەی چەک

زانیاریی لایەنی بەرپرس

وەزارەتی ناوخۆ - نوسینگەی تایبەتی وەزیر

ماڵپەڕ

ماڵپەڕی فەرمیی وەزارەتی ناوخۆ

کاتی کارکردن

(٨:٣٠)ی بەیانی بۆ (٣:٠٠)ی دوای نیوەڕۆ.

ناونیشانەکان

بەشی ناسنامەی چەک / هەولێر

هەولێر / تەنیشت ئاسایشی هەولێر

مەرجەکان

پێشکەشکردنی داواکارییەک بە دەسەڵاتی پێدان.

تەمەنی هەژدە (١٨) ساڵی تەواو کردبێت.

حکوم نەدرابێت بە هیچ تاوانێک یان کردەوەیەکی ئابڕوبەر، لە ڕێی کردنی نووسراوەوە دەبێت لە وەزارەتەوە بۆ لایەنی تایبەت.

بڕوانامەی بێتاوانی هاوڵاتییان

کەمئەندام نەبێت و کێشەی دەروونی نەبێت، بە پێی ڕاپۆرتی لیژنەی پزیشکی.

بەشێوەیەکی ڕەوا چەکەکەی دەست خستبێت.

خزمەتخواز خاوەن ڕەگەزنامەی عێراقی بێت.

وەرگرتنی ڕەزامەندی ئاسایش.

ناسنامە و بەڵگەنامەکان

کارتی نیشتمانی یان (ناسنامەی باری شارستانی و ڕەگەزنامە).

کارتی زانیاری.

شەش (٦) وێنەی کەسی خزمەتخواز.

ژمارەی چەک.

ماوەی پێویست

حەوت (٧) بۆ دە (١٠) ڕۆژی کارکردن.

تێچوو

بە پێی یاسای ژمارە (٢)ی ساڵی ٢٠٢٢ یاسای چەک لە هەرێمی کوردستان-عێراق:
- (١٤٠,٠٠٠) سەد و چل هەزار دینار، ڕەسمی مۆڵەتی دەستداری یان هەڵگرتنی چەکی ئاگرین و تفاقەکەی.
- (٢٥،٠٠٠) بیست و پێنج هەزار دینار، ڕەسمی کارگێڕیی بۆ هەر داواکارییەک، کە بە پێی ئەم یاسایە و ئەو ڕێنماییانەی کە بە پێی ئەم یاسایە دەرچوون پێشکەش دەکرێت.

ڕێکار و هەنگاوەکان

خزمەتخواز سەردانی وەزارەتی ناوخۆ نووسینگەی تایبەتی وەزیر دەکات.

سەردانی بەشی ناسنامەی چەک دەکات، بە مەبەستی پێشکەشکردنی داواکاری.

خزمەتخواز لە ڕێگەی تەلەفۆنەوە ئاگاداردەکرێتەوە لەو ماوەیەی دیاریکراوە لە لایەن بەشی ناسنامەی چەک، بە ڕەزامەندیدان لە سەر داواکەی.

پاش وەرگرتنی ڕەزامەندی، خزمەتخواز سەردانی بەشی ناسنامەی چەک دەکات، بە مەبەستی پێدانی بەڵگەنامەکان، دانی ڕسومات، پڕکردنەوەی فۆڕمی تایبەت بە پێدانی مۆڵەتی چەک و وەرگرتنەوەی مۆڵەتەکەی.

فۆرمی داواکاری