پێدان و نوێکردنەوەی مۆڵەتی کار بە کۆمپانیای کاروباری نشینگەی بیانیان

پێدانی مۆڵەتی کارە بە کۆمپانیای تایبەتمەند لە بواری کاروباری نشینگەی بیانیان لە هەرێمی کوردستان.

لایەنی بەرپرس

بەڕێوەبەرایەتی کۆمپانیا ئەمنیەکان و مۆڵەتپێدان

زانیاریی لایەنی بەرپرس

وەزارەتی ناوخۆ - بەڕێوەبەرایەتی گشتی دیوان - بەڕێوەبەرایەتی کۆمپانیا ئەمنیەکان و مۆڵەتپێدان

ماڵپەڕ

ماڵپەڕی فەرمیی وەزارەتی ناوخۆ

کاتی کارکردن

(٨:٣٠) بەیانی بۆ (٣:٠٠) دوای نیوەڕۆ.

ناونیشانەکان

بەڕێوەبەرایەتیی کۆمپانیا ئەمنیەکان و مۆڵەتپێدان / هەولێر

هەولێر / تەنیشت ئاسایشی هەولێر

مەرجەکان

پێویستە بریکارنامەی یاسایی هەبێت، ئەگەر خزمەتەکە لە لایەن نوێنەرەوە داوا بکرێت.

بريکارنامەى تايبەت

بريکارنامەى گشتى

هێنانی نووسراوی ڕاوبۆچوون لە وەزارەتی بازرگانی و پیشەسازی، بەڕێوەبەرایەتی گشتی تۆمارکردنی کۆمپانیاکان، بە مەبەستی وەرگرتنی ڕەزامەندی لایەنی ئەمنی.

پێویستە خزمەتخواز کورد بێت و دانیشتووی هەرێمی کوردستان بێت.

پێویستە خزمەتخواز بارمتەی دارایی لە یەکێک لە بانکەکانی هەرێمی کوردستان دابنێت بە بڕی (١٠٠,٠٠٠$) سەد هەزار دۆلار.

پێویستە خزمەتخواز بەڵێننامە بدات لە یەکێک فەرمانگەکانی دادنوسی، کە پابەندبێت بە جێبەجێکردنی سەرجەم ڕێنماییەکانی وەزارەتی ناوخۆ.

تۆمارکردنی بەڵێننامە

پێویستە ڕووبەری کۆمپانیا لە (١٠٠) مەتر کەمتر نەبێت.

پێویستە ژمارەی فەرمانبەران لە دە (١٠) کەس کەمتر نەبێت.

پێویستە بەڕێوەبەری ڕێپێدراوی کۆمپانیا فەرمانبەری حکومەت نەبێت.

ناسنامە و بەڵگەنامەکان

کارتی نیشتمانی یان (ناسنامەی باری شارستانی و ڕەگەزنامە)ی بەڕێوەبەری ڕێپێدراو.

کارتی زانیاری بەڕێوەبەری ڕێپێدراو.

بڕیاری دامەزراندنی کۆمپانیا.

بڕیاری کارگێڕی کۆمپانیا.

بڕوانامەی کۆمپانیا.

ماوەی پێویست

سێ (٣) بۆ سی(٣٠) ڕۆژی کارکردن.

تێچوو

بەپێی ماددەی (٧) لە ڕێنمایی ژمارە (١٠)ی ساڵی ٢٠١٥ی وەزارەتی ناوخۆ و بڕیاری ژمارە (٧٧) لە ٣\٢\٢٠١٦ی ئەنجومەنی وەزیران،
- (٦,٠٠٠,٠٠٠) شەش ملیۆن دینار ڕسوماتی پێدانی مۆڵەتی کارکردنە بۆ ماوەی یەک (١) ساڵ.
- (٢,٠٠٠,٠٠٠) دوو ملیۆن دینار بۆ نوێکردنەوەی ساڵانەی مۆڵەتی کار.
بەپێی ڕێنمایی وەزارەتی ناوخۆ، ماددەی (٢)، یەک، بڕگەی (٣) لە ڕێنمایی ژمارە (١٠)ی ساڵی ٢٠١٥، (١٠٠,٠٠٠$) سەد هەزار دۆلار وەکو بارمتە (تأمینات) لە کۆمپانیا وەردەگیرێت.

ڕێکار و هەنگاوەکان

خزمەتخواز سەرەتا سەردانی وەزارەتی بازرگانی و پیشەسازی / بەڕێوەبەرایەتی گشتی تۆمارکردنی کۆمپانیاکان دەکات، بە مەبەستی داواکاری وەرگرتنی کۆمپانیا. دوای ئەنجامدانی ڕێکارەکان نووسراوی وەرگرتنی ڕەزامەندی ئەمنی دەکرێت بۆ وەزارەتی ناوخۆ/ بەڕێوەبەرایەتی کۆمپانیا ئەمنییەکان و مۆڵەتپێدان.

خزمەتخواز سەردانی بەڕێوەبەرایەتی کۆمپانیا ئەمنییەکان و مۆڵەتپێدان دەکات لە دیوانی وەزارەتی ناوخۆ.

سەردانی هۆبەی وەرگرتە دەکات، بە مەبەستی تۆمارکردنی ئەو داواکارییەی بە نووسراو لە وەزارەتی بازرگانی و پیشەسازی هێناویەتی.

خزمەتخواز دوای شەست (٦٠) ڕۆژدا ئاگاداردەکرێتەوە لە ئەنجامی پێدان یاخود ڕەتکردنەوەی داواکارییەکەی، لە کاتی ڕەزامەندی لەسەر داواکارییەکەی، پێویستە خزمەتخواز لە ماوەی سی (٣٠) ڕۆژ سەردانی بەڕێوەبەرایەتی کۆمپانیا ئەمنییەکان و مۆڵەتپێدان بکات، بە مەبەستی دانی ڕسوماتی دیاریکراو، لە هەمان ڕۆژ نووسراو دەکرێت بۆ پارێزگا و ئیدارەی سەربەخۆی تایبەتمەند، بە مەبەستی پشکنینی کۆمپانیا.

سەردانی بەشی یاسایی دەکات، بە مەبەستی وەرگرتنی بەڵێننامە لە بەڕێوەبەری ڕێپێدراوی کۆمپانیا یان بریکارەکەی.

دوای گەڕاندنەوەی ئەنجامی لیژنەی پشکنین لە پارێزگا و ئیدارەی سەربەخۆی تایبەتمەند بۆ وەزارەتی ناوخۆ / بەڕێوەبەرایەتی کۆمپانیا ئەمنییەکان و مۆڵەتپێدان مۆڵەتەکەی بۆ ئامادەدەکرێت خزمەتخواز ئاگاداردەکرێتەوە، بە مەبەستی سەردانیکردن بۆ وەرگرتنەوەی مۆڵەتەکەی.

یاسا و رێنمایی