پێناسە
گواستنه‌وه‌ی تۆماری ئۆتۆمبێلە‌ به‌ هه‌موو جۆره‌کانییەوە له‌ پارێزگایه‌ک بۆ پارێزگایه‌کی تر، لەسەر داواکاری و خواستی خزمەتخواز.
لایەنی بەرپرس
وەزارەتی ناوخۆ / بەرێوبەرایەتی گشتی هاتووچۆی هەرێم / بەرێوبەرایەتی هاتووچۆی پارێزگاکانی هەرێم
ناونیشانی سەردانی هاوڵاتی

ناونیشانی سەردانی هاوڵاتی بۆ بەرێوەبەرایەتییەکانی هاتووچۆ

کاتی کارکردن
(٨:٣٠)ی بەیانی بۆ (٣:٠٠)ی دوانیوەڕۆ.
بەڕێوەبەرایەتی هاتووچۆی هەولێر
هەولێر/ سەر شەقامی (١٥٠)م/ بەرامبەر گەنجان ستی

066188
بەڕێوەبەرایەتی هاتووچۆی کۆیە
بەڕێوەبەرایەتی هاتووچۆی سۆران
قەزای سۆران/ سەر ڕێگای دیرزیان/ نزیک کارگەی قیرتاوی سۆران
07508687599
بەڕێوەبەرایەتی هاتووچۆی دهۆک
دهۆک / قەزای سمێل / دۆمیز / نزیک وارفین ستی

062188
بەڕێوەبەرایەتی هاتووچۆی سلێمانی
سلێمانی/ تاسلوجە
ئێمێڵ:- info@sultraffic.com

053188
بەڕێوەبەرایەتی هاتووچۆی هەڵەبجە
پارێزگای هەڵەبجە / گۆران ستی
0538852876
بەڕێوەبەرایەتی هاتووچۆی گەرمیان
گەرمیان / سەر شەقامی ڕزگاری / کەلار

بەڕێوەبەرایەتی هاتووچۆی ڕاپەڕین
ڕانیە / گەرەکی ڕاپەڕین

مەرجەکانی وەرگرتنی ئەم خزمەتە
ئۆتۆمبێلەکە هەڵگری تابلۆی یەکێک لە پارێزگاکانی هەرێم بێت.
ئەگەر پشکنینی لاشە و پشکنینی توندوتۆڵی (opvi) بەسەر چووبێت، لە یەکێک لە بنکەکانی پشکنین پشکنینەکانی نوێدەکاتەوە.
پێویستە بڕی ئەو سزایانە بدرێت کە لەسەر ئۆتۆمبێلەکەیە.
مۆدێلی ئۆتۆمبێل لە (١٥) پانزە ساڵ کەمتر نەبێت لە مۆدێلی بەردەست لە کاتی داواکردنی ئەم خزمەتە.
ئامادەبوونی خاوەن ئۆتۆمبێلەکە یان بریکار لە بەڕێوەبەرایەتی هاتووچۆ بۆ ئەنجامدانی کارەکان.
ئۆتۆمبێلی بارهه‌ڵگر کە کێشی بارکردنی له‌ (٢) دوو ته‌ن زیاتر بێت، هەروەها ئۆتۆمبێلی بیناسازی و ئۆتۆمبێلی کشتوکاڵی پێویسته‌ پسووڵه‌ی پاکانه‌ی باجی ده‌رامه‌ت بهێنن.
ناسنامە و بەڵگەنامەکان
کارتی نیشتمانی یان (ڕەگەزنامەى عێراقى، ناسنامەى بارى شارستانى).
کارتی زانیاری.
ئەگەر بیانی بێت (پاسپۆرت و کارتی نشینگە).
وێنەی کەسی خاوەن ساڵیانە.
ماوەی پێویست بۆ وەدەستهێنانی ئەم خزمەتە
(٢) دوو کاتژمێر.
نرخی وەدەستهێنانی ئەم خزمەتە
لە کاتی گواستنەوەی تۆماری ئۆتۆمبێل بڕی (٥٥،٠٠٠) پەنجا و پێج هەزار دینار دەدات بۆ چاپکردنی تابلۆی ئەو پارێزگایەی کە تۆماری ئۆتۆمبێلەکەی بۆ گواستراوەتەوە.
ڕێکار و هەنگاوەکان
ئەگەر پشکنینی لاشە و پشکنینی توندوتۆڵی (opvi) بەسەر چووبێت، لە یەکێک لە بنکەکانی پشکنین پشکنینەکانی نوێ بکاتەوە.
خزمەتخواز سەردانی ئەو بەڕێوەبەرایەتییەی هاتووچۆ دەکات کە ساڵیانەکەی لێ تۆمارکراوە.
سەردانی سکاڵانووس (عەریزەنوس)، بە مەبەستی نووسینی داواکاری گواستنەوەی تۆماری ئۆتۆمبێل لە پارێزگایەکەوە بۆ پارێزگایەکی تر.
سەردانی ژووری بەرپرسی بەشی هونەری دەکات، بە مەبەستی وەرگرتنی ڕەزامەندی گواستنەوەی تۆمار.
‌په‌نجه‌ره‌ی کۆمپیوته‌ری سزا و ده‌ستبه‌سه‌ر داگرتن، بە مەبەستی دڵنیابوونەوە لە نەبوونی سزا لەسەر ئۆتۆمبێلەکە.
سەردانی پەنجەرەی سزا، بە مەبەستی دانی بڕی ئەو سزایانەی لەسەر ئۆتۆمبێلەکەیە.
له‌ ژووری ئه‌فسه‌ری په‌نجه‌مۆر خاوه‌نی ساڵیانه‌ یان بریکارەکەی ئاماده‌بێت بۆ په‌نجه‌ مۆر، به‌ بوونی به‌ڵگه‌نامەکان.
سەردانی پەنجەرەی وردەکاری کۆمپیوتەر دەکات، بە مەبەستی گەڕاندنەوەی ژمارەی ئۆتۆمبێلەکە بۆ ناو سیستەمی بەڕێوەبەرایەتی هاتووچۆ، بۆ دووبارە بەکارهێنانەوە.
مامەڵەکە دەبات بۆ پەنجەرەی وردبینی، بە مەبەستی وردبینیکردن لە مامەڵەکە بوون و نەبوونی کەموکوڕی.
لە بەشی هونەری نووسراوی گواستنەوەی بۆ دەکرێت.
له‌ ژووری دۆسیه‌کان دۆسیه‌ی ئۆتۆمبێله‌که‌ بە خزمەتخواز دەدرێت، بە مەبەستی کۆپیکردنی دۆسیەکان.
هێنانه‌وه‌ی کۆپی دۆسیه‌کان و ته‌صدیق کردنی دۆسیه‌کان له‌ هۆبه‌ی دۆسیه‌کان.
لە ژووری دۆسیەکان، کۆپییەک لە دۆسیەکان دەکرێتە ناو زەرفێکی باوەڕپێکراوی بەڕێوەبەرایەتی هاتووچۆی ئەو پارێزگایەی ئۆتۆمبێلەکە هەڵگری تابلۆی بووە، دەدرێت بە خزمەتخواز، بە مەبەستی بردنی بۆ ئەو بەڕێوەبەرایەتییەی تۆمارەکەی بۆ دەگوازێتەوە لە ماوەی (١٠) دە ڕۆژدا.
سەردانی ئەو بەڕێوەبەرایەتییە هاتووچۆ کە تۆماری ئۆتۆمبێلەکەی بۆ دەگوازرێتەوە.
سەردانی سکاڵانووس (عەریزەنووس)، بە مەبەستی چاپکردنی سەرجەم بەڵگەنامەکان و تۆمارکردنی زانیارییەکان.
په‌نجه‌ره‌ی کۆمپیوته‌ری سزا و ده‌ستبه‌سه‌ر داگرتن، بە مەبەستی دڵنیابوونەوە لە نەبوونی سزا لەسەر ئۆتۆمبێلەکە.
سەردانی پەنجەرەی سزا، بە مەبەستی دانی بڕی ئەو سزایانەی لە سەر ئۆتۆمبێلەکەیە.
ژووری ئه‌فسه‌ری په‌نجه‌مۆر، بە مەبەستی وه‌رگرتنی په‌نجه‌مۆر.
سەردانی پەنجەرەی ڕسوومات، بە مەبەستی پارەدان.
لە پەنجەرەی وەرگرتنی مامەڵە، مامه‌ڵەکه‌ ڕادەست ده‌کرێت بۆ وردبینیکردن تێیدا.
سەردانی کارگەی چاپکردنی تابلۆی ئۆتۆمبێل دەکات، بە مەبەستی چاپکردنی تابلۆی تازە.
فۆرمی داواکاری
پێویستە فۆرمی داواکاری هاوپێچ بکرێت، ئەگەر هەبێت.
خزمەتە پەیوەندیدارەکان
پێویستە خزمەتە پەیوەندیدارەکان دەستنیشان بکرێن، ئەگەر هەبن.
واژوو کراوە لەلایەن
وەزیری ناوخۆ
بەڕێوەبەری گشتی دیوان
بەڕێوەبەری دڵنیایی جۆری
پەسەند کراوە لەلایەن
فەرمانگەی هەماهەنگی و بەدواداچوون
پێناسی خزمەت
MOI-25
دوا دەستکاری28-03-2022

Add new comment