گواستنەوەی قوتابییان و خوێندکاران لە ناوەوە و دەرەوەی هەرێم

خوێندکار مافی گواستنەوەی هەیە لە گشت قۆناغەکان جگە لە قۆناغی یەکەم.

قوتابی دەرچووبێت لە خولی یەکەم بە پلەی باشە یان سەروتر، دانیشتووی هەمان پارێزگا یان ئەو شارە بێت، کە گواستنەوەی بۆ دەکرێت.

قوتابی ئەگەر دایکی یان باوکی کۆچی دوایی کردبێت لە ساڵانی خوێندنی زانکۆ بە بەڵگەی فەرمی بیسەلمێنێت بە هێنانی وەفاتنامە و (سورەت قید). دانیشتووی هەمان پارێزگا یان ئەو شارە بێت، کە گواستنەوەی بۆ دەکرێت، ئەگەر کۆچکردنەکە لە ساڵانی خوێندن نەبوو ئەوا گواستنەوەکە بە سیستەمی پاراڵێڵ بە نیوەی پارەی پاراڵێڵ دەبێت.

ئەگەر قوتابی هاوسەرگیری کردبێت لە ساڵانی خوێندنی زانکۆ دەبێت بە بەڵگەی فەرمی بیسەلمێنێت، گرێبەستی هاوسەرگیری، وێنەی ڕەسەنی تۆماری باری شارستانی، بە هەمان شێوە بۆ ئافرەت ڕەچاوی جیابوونەوەی خێزانی بکرێت.

ئەگەر هاوسەرگیری کردنەکە لە ساڵانی خوێندن نەبوو بێت، ئەوا گواستنەوەکە بە سیستەمی پاراڵێڵ بە نیوەی پارەی پاراڵێڵ دەبێت.

ئەگەر قوتابی ڕەگەزی مێینە لە ساڵانی خوێندن منداڵی ببێت بە بەڵگەی فەرمی بیسەلمێنێت.

ئەگەر منداڵبوونەکە لە ساڵانی خوێندن نەبوو، ئەوا گواستنەوەکە بە سیستەمی پاراڵێڵ بە نیوەی پارەی پاڕاڵێڵ دەبێت. هەر وەک لە مەرج و ڕێنمایەکان ئاماژەیان پێکراوە، کە هاوپێچە.