مۆڵەتی هاوردنی زەیت و ڕۆنی خەست

پێناسە
پێدانی نووسراوی هاوردەکردنی زەیت و ڕۆنی خەست یان کەرەستە سەرەتایەکەی لە لایەن کارگەکانی ناوخۆ و کۆمپانیا و بازرگانان، کە لە دەرەوەی هەرێمی کوردستان هاوردەی دەکەن.
زانیاریی لایەنی بەرپرس

ناونیشانی سەردانی هاوڵاتی بۆ وەزارەتی تەندروستی- بەرێوەبەرایەتی پاراستنی تەندروستی و خۆراک-بەشی چاودێری خۆراک

کاتی کارکردن
(٨:٣٠)ی بەیانی بۆ (٣:٠٠)ی دوای نیوەڕۆ.
وەزارەتی تەندروستی/ دیوانی وەزارەت
مەرجەکان
نووسینی سەر بەرهەمەکە پێویستە بە زمانی عەرەبی یان ئینگلیزی بێت.
کۆمپانیا یان کارگە یان بازرگان تۆمارکراو بێت.
ناسنامە و بەڵگەنامەکان
پسوولەی کڕین (Invoice)، کە لە ژووری بازرگانی و پیشەسازی وڵاتی بەرهەمهێن پشتڕاستکرابێتەوە.
لیستی بەرهەمەکان (Packing list)ی وڵاتی بەرهەمهێن.
بەڵگەنامەی تەندروستی، کە لە وەزارەتی دەرەوەی وڵاتی بەرهەمهێن پشتڕاستکرابێتەوە.
بەڵگەنامەی فرۆشتنی ئازاد (Free sale) ڕاستێندراو بێت لە وەزارەتی دەرەوەی وڵاتی بەرهەمهێن.
بەڵگەنامەی سەرچاوە (شهادة المنشاء)، کە لە ژووری بازرگانی و پیشەسازی وەزارەتی دەرەوەی وڵاتی بەرهەمهێن پشتڕاستکرابێتەوە.
بەڵگەنامەی شیکاری (شهادة تحلیل)ی وڵاتی بەرهەمهێن.
بەڵگەنامەی ئەو ماددە پلاستیکییەی کە ڕۆنەکەی تێدا هەڵدەگیرێت (Food grade)، کە لە وەزارەتی دەرەوەی وڵاتی بەرهەمهێن پشتڕاستکرابێتەوە.
بڕوانامەی تەندروستی ڕووەکی (شهادە الصحە النباتیە) (Certificate of phytosanitary) بۆ ئەو ڕۆنانەی کە سەرچاوەکانیان ڕووەکییە، کە لە وەزارەتی دەرەوەی وڵاتی بەرهەمهێن پشتڕاستکرابێتەوە.
بڕوانامەی تەندروستیی ڤێتێرنەری (شهادە الصحە البی)(Veterinary Health certificate) به ئەو ڕۆنانەی کە سەرچاوەیان ڕۆنی ئاژەڵییە، کە لە وەزارەتی دەرەوەی وڵاتی بەرهەمهێن پشتڕاستکرابێتەوە.
ماوەی پێویست
دوو (٢) بۆ پێنج (٥) ڕۆژی کارکردن.
تێچوو
بێبەرامبەرە.
ڕێکار و هەنگاوەکان
خزمەتخواز سەردانی بەڕێوەبەرایەتیی پاراستنی تەندروستی و خۆراک لە دیوانی وەزارەت دەکات.
سەردانی ژووری هاتوو و دەرچوو دەکات، بە مەبەستی تۆمارکردنی ژمارەی داواکاری.
سەردانی بەشی چاودێری خۆراک دەکات، بە مەبەستی وردبینیکردن لە بەڵگەنامەکان.
سەردانی بەڕێوەبەری پاراستنی تەندروستی و خۆراک دەکات، بە مەبەستی هامشکردن.
سەردانی نووسینگەی تایبەتی وەزیر دەکات، بە مەبەستی ڕەزامەندی.
سەردانی بەشی چاودێری خۆراک دەکات، بە مەبەستی چاپکردنی نووسراوی ڕێگاپێدان.
سەردانی بەڕێوەبەری پاراستنی و تەندروستی و خۆراک دەکات، بە مەبەستی هامشکردنی نووسراوەکە.
سەردانی بەڕێوەبەری گشتی کاروباری تەندروستی دەکات، بە مەبەستی ئاڕاستەکردنی نووسراوەکە.
سەردانی نووسینگەی تایبەتی وەزیر دەکات، بە مەبەستی ڕەزامەندی کۆتایی.
سەردانی ژووری هاتوو و دەرچوو دەکات، بە مەبەستی تۆمارکردنی ژمارەی نووسراو.
فۆرمی داواکاری
پێویستە فۆرمی داواکاری هاوپێچ بکرێت، ئەگەر هەبێت.
واژوو کراوە لەلایەن
پێویستە ئەم خزمەتە لەلایەن بەڕێزان وەزیر/سەرۆکی دەستە و بەڕێوبەری گشتی دیوان و لیژنەی خزمەت واژوو بکرێت.
پێناسی خزمەت
MOH-15
دوا دەستکاری04-03-2024

Feedback

ئایا ئەم زانیارییە بەسوودە؟

Please include your email if you want us to follow up with you.