تۆمارکردنى ڕێکخراوە عێراقییەکان

سەرەتا دۆسییەی تایبەت بە ڕێکخراوەکە ئامادە دەکرێت، کە دەبێت ئەم دۆکیومێنتانەی خوارەوە لەخۆ بگرێت:
- بڕوانامەی ڕێکخراو، ئەسڵی، لەگەڵ وەرگێڕانی بۆ زمانی کوردی، ڕاستێندراوبێت.
- پەیڕەوی ناوەخۆی ڕێکخراو، لەگەڵ وەرگێڕانی بۆ زمانی کوردی، ئەرێ کرابێت.
- نووسراوی دیاریکردنی بەڕێوەبەر بۆ لقی هەرێم.
- پلانی کاری ڕێکخراو لە هەرێمی کوردستان بۆ ماوەی ساڵێک بە زمانی کوردی.
ئەم دۆکیومێنتانە لەگەڵ نووسراوێکی داواکاری بۆ کردنەوەی لق لە هەرێم ئاڕاستەی فەرمانگە دەکرێت.

واردكردنی داواکارییەکە لە بەڕێوەبەرایەتیی کارگێڕی، بە مەبەستی ئاڕاستەکردنی بۆ سەرۆکی فەرمانگە.

سەرۆکی فەرمانگە بە پەراوێز دۆسییەکە ئاڕاستەی بەڕێوەبەرایەتی (تۆمار، یاسایی، زانیارییەکان) دەکات.

بەڕێوەبەرایەتیی تۆمار، وردبینی لە دۆکیومێنتەکان دەکات و پسوولە و کۆدی تایبەت دەدات بە ڕێکخراوەکە.

بەڕێوەبەرایەتیی یاسایی، وردبینی یاسایی بۆ سەرجەم دۆکیومێنتەکان و پەیڕەوی ناوەخۆ دەکات.

بەڕێوەبەرایەتیی زانیارییەکان، زانیارییەکانی تایبەت بە ڕێکخراوەکە لە داتابەیس تۆماردەکات.

دۆسییەکە دەگەڕێتەوە لای سەرۆکی فەرمانگە، پەراوێز دەنوسێت بۆ بەڕێوەبەرایەتیی تۆمار، بە مەبەستی دروستکردنی بڕوانامە.

بەڕێوەبەرایەتی تۆمار، بڕوانامەکە دروستدەکات و سەرۆکی فەرمانگە واژۆی دەکات.