چاودێری ژینگه‌یی له پڕۆژه‌ جۆراجۆره‌كانی هه‌رێمی كوردستان

پێویستە داواکار دانیشتووی هەرێمی کوردستان بێت.

هەڵگری یەکێک لە بڕوانامەکانی (بەکالۆریۆس، ماستەر، دکتۆرا) بێت تایبەت بە دەرچووانی ژینگە. لە کاتی نەبوونی ئەو بڕوانامانەدا لە بواری ژینگەدا، ئەوا فەرمانگەی ژینگەی پارێزگا و ئیدارە سەربەخۆکان بەگوێرەی جۆری پڕۆژەکە بڕیار دەدەن لەسەر دانانی دەرچووی ئەو بەشانەی کە لە کۆلێژەکاندا کۆرسی (تەواو) و وانەی تایبەت بە ژینگەیان تێدا دەخوێندرێت، جگە لە پسپۆڕییە کشتوکاڵییەکان.

چاودێری ژینگەیی نابێت لە کەرتی گشتیی (میری)دا بە شێوەی هەمیشەیی یان بە شێوەی گرێبەست دامەزرابێت، وە نابێت لە کاتی دەوامی ئاساییدا لە هیچ شوێنێکی دیکەی کەرتی تایبەتدا گرێبەستی هەبێت و کار بکات.

دەبێت چاودێری ژینگەیی دانیشتووی سنووری جوگرافیی فەرمانگەی ژینگەی سنوورەکە بێت؛ تەنیا لە ئەگەری نەبوونی کەسی پسپۆڕ لە سنووری فەرمانگەکەدا، دەتوانرێت سوود لە کەسانی پسپۆڕی ناوچەکانی دیکەی هەرێم وەربگیرێت بۆ پڕۆژەکان بە ڕەزامەندیی هەردوو فەرمانگەی پێوەندیدار، واتە: «ئەو سنوورەی پڕۆژەکەی لێیە و ئەو سنوورەشی کە کەسی پسپۆڕی لێوە دێت».

وەرگرتنی بەڵێننامە لە چاودێری ژینگەیی بۆ ڕاستودروستیی زانیارییەکانی و پابەندبوونی بە ناوەڕۆکی ئەم ڕێنماییە و گرێبەستەکەی لەگەڵ فەرمانگەی ژینگەی سنوورەکەدا.