پێدانى مۆڵەت بۆ هەناردەکردن و هاوردەكردنى ئاژەڵى کێوى و ڕووەک بۆ ناوەوە و دەرەوەى عێراق

بریتیيە لە پێشکەشکردنى ئاسانکارى بۆ هەناردەکردنى ئەو ئاژەڵ و ڕووەک و باڵندانەی ڕێگەیان پێدەدرێت بەپێى ڕێکەوتننامەى سایتس، لە هەمان کاتدا ئەو ئاژەڵ و ڕووەک و باڵندانەی، کە هاوردە دەکرێن بۆ بەخێوکردن و پەروەردەكردنیان لە ماڵان، پێویستە ئەو ئاژەڵ و باڵندانە بڕوانامەی سايتسيان هەبێت.

لایەنی بەرپرس

فەرمانگەکانی پارێزگا و ئیدارە سەربەخۆکان

زانیاریی لایەنی بەرپرس

ناونیشانی سەردانی هاوڵاتی بۆ دەستەی پاراستن و چاککردنی ژینگە - فەرمانگەی کاروباری هونەری

ماڵپەڕ

ماڵپەڕی فەرمیی دەستەی پاراستن و چاککردنی ژینگە

کاتی کارکردن

(٨:٣٠)ی بەیانی بۆ (١:٣٠)ی دوای نیوەڕۆ.

ناونیشانەکان

دەستەی پاراستن و چاککردنی ژینگە / فەرمانگەی کاروباری هونەری / هەولێر

هەولێر / شەقامی (١٠٠)م/ تەنیشت کۆمسیۆنی هەڵبژاردن و ڕاپرسی هەرێم
ئیمەیڵ:- Enviro.kurd@yahoo.com

07504547773

مەرجەکان

پێویستە لەو ئاژەڵ و ڕووەک و باڵندانە بێت كە ڕێگە پێدراوە بەپێی ڕێکەوتننامەى سایتس.

نووسراوی لارینەبوونی بەڕێوەبەرایەتیی دارستان و پاوان، پۆلیسیی دارستان و ژینگە، ڤێتێرنەری، بەڕێوەبەرایەتیی ئاسایش هەبێت.

ناسنامە و بەڵگەنامەکان

وێنەیەک لە کارتى نیشتمانى.

وێنەیەک لە پاسپۆرتى کەسى داواكار.

وێنەیەک لە ناسنامەى بازرگانى.

ماوەی پێویست

پێنج (٥) ڕۆژ بۆ یەک (١) مانگ.

تێچوو

بێبەرامبەرە.

ڕێکار و هەنگاوەکان

پیشکەشکردنی داواکاری، بە مەبەستی دەرهێنانی مۆڵەت بۆ هەناردەکردن و هاوردەكردنى ئاژەڵى کێوى و ڕووەک.

وەرگرتنی زانیارییەكان (بەڵگەنامەكان و ناسنامەكان).

ئاڕاستەكردنی نووسراوێک بۆ وەرگرتنی ڕەزامەندی (بەڕێوەبەرایەتیی دارستان و پاوان - پۆلیسیی دارستان و ژینگە - ڤێتێرنەری - بەڕێوەبەرایەتیی ئاسايش).

پڕکردنەوەى فۆڕمى تایبەت بۆ دەرکردنى بڕوانامەى سايتس لە لایەن فەرمانگەى ژینگەی پارێزگاکان و ئیدارە سەربەخۆکان.

ئاڕاستەکردنى نووسراوێک بۆ (ممثلیە اقلیم كوردستان - بغداد)، بە مەبەستی وەرگرتنى بڕوانامەى سایتس بە هاوپێچکردنى نموونەى فۆڕمى داواکارى بڕوانامەى سایتس لەگەڵ ناسنامە و بەڵگەنامەكان.

ئەگەر ئەو ئاژەڵ و ڕووەک و باڵندانەی داواکراوە هەناردە بکرێت، بەڵام لە ناو لیستى سایتسدا نەهاتبێت دەستەی ژینگە دەتوانێت ڕەزامەندى بدات بە هەناردەکردنيان.

فۆرمی داواکاری