دابینکردنی تێچووی خوێندنی ساڵانە بۆ کچ و کوڕ و خێزانی شەهیدی سەنگەر و ئەنفالکراوان

خەرجکردنەوە و گرتنە ئەستۆی خزمەتگوزاری کرێی خوێندنە بۆ کچ و کوڕ و هاوسەری شەهیدانی سەنگەر و جینۆساید، کە لە باخچەی منداڵان و قوتابخانە و پەیمانگە و زانکۆکانی ناوخۆی هەرێمی کوردستان دەخوێنن.

لایەنی بەرپرس

بەشی پەروەردە

زانیاریی لایەنی بەرپرس

ناونیشانی وەزارەتی کاروباری شەهیدان و ئەنفالکراوان

ماڵپەڕ

ماڵپەڕی فەرمیی وەزارەتی کاروباری شەهیدان و ئەنفالکراوان

کاتی کارکردن

(٨:٣٠)ی بەیانی بۆ (٢:٠٠)ی دوای نیوەڕۆ.

ناونیشانەکان

دیوانی وەزارەتی کاروباری شەهیدان و ئەنفالکراوانی هەولێر

هەولێر / شەقامى (٣٠)م / نزیک پردی سەیداوە
ئیمەیڵ:- info@moma.gov.krd

بەڕێوەبەرایەتیی گشتیی خزمەتگوزاری هەولێر

هەولێر / شەقامى (٣٠)م / نزیک پردی سەیداوە / ناو بینای وەزارەت

بەڕێوەبەرایەتی کاروباری شەهیدان و ئەنفالکراوانی هەولێر

هەولێر/ گەڕەکی ئازادی/ نزیک مزگەوتی ئازادی

بەڕێوەبەرایەتی کاروباری شەهیدان و ئەنفالکراوانی بارزان

بارزان / شارۆچکەی بلێ
ئیمەیڵ:- shahidan.barzan@gmail.com

07504472271

بەڕێوەبەرایەتی کاروباری شەهیدان و ئەنفالکراوانی کۆیە

قەزای کۆیە / نزیک یانەی وەرزشی کۆیە / بەرامبەر باغی ڕەیحانە

07501202794 - 07701470132

بەڕێوەبەرایەتی کاروباری شەهیدان و ئەنفالکراوانی دهۆک

دهوک / نزاركێ / تەنیشت ڕێڤەبەریا باژێرڤانیا ڕۆژهەلات
ئیمەیڵ:- Shahidan.dh@gmail.com

7507680195

بەڕێوەبەرایەتی کاروباری شەهیدان و ئەنفالكراوانی ئاكرێ

ئاكرێ / تەنیشت سەروكاتیا باژێرڤانیا ئاكرێ

7503954515

بەڕێوەبەرایەتی کاروباری شەهیدان و ئەنفالكراوانی زاخۆ

زاخو / جادا ئەكادیمیا لەشكەری / بەرامبەر ئەكادیمیا لەشكەری
ئیمەیڵ:- shahidanzakho@gmail.com

7503053368

بەڕێوەبەرایەتی کاروباری شەهیدان و ئەنفالكراوانی ئامێدی

ئامیدی / تەنیشت ڕیڤەبەریا ساخلەمیا قەزا ئامێدی

مەرجەکان

کرێی خوێندن تەنیا بۆ کچ و کوڕ و هاوسەری شەهیدانی سەنگەر و جینۆساید (ئەوەی هاوسەرگیری نەکردۆتەوە) خەرجدەکرێت، بەپێی ڕێنمایی ژمارە (٢٣)ی ساڵی ٢٠٢٠ ی تایبەت بە خزمەتگوزاری خوێندن و تەندروستی کەس و کاری شەهیدان و ئەنفالکراوان و زیندانییانی سیاسی.

وەرگرتنی قوتابی و خوێندکار بەپێی یاسا و ڕێنماییەکانی (وەزارەتی خوێندنی باڵا و توێژینەوەی زانستی) و (وەزارەتی پەروەردە)ی حکومەتی هەرێمی کوردستان دەبێت.

پێویستە قوتابى و خوێندكار وه‌رگيرابێت له‌ قوتابخانە و پەیمانگە و زانكۆ تایبەتی ‌يان حكومىییەکان به‌ شێوازى پارالێڵ و بەردەوام بێت لە خوێندن.

قوتابى و خوێندكار تەنیا یەک جار بۆ هەر قۆناغێکی خوێندن سوودمەند دەبن، ناکرێت بە هۆی (دواخستن، مۆڵەت، گواستنەوە و دەرنەچوون) لەهەر قۆناغێکی خوێندن دووبارە کرێی خوێندنیان بۆ خەرجبکرێت.

قوتابی و خوێندکار زیاتر لە جارێک سوودمەند نابێت لە کرێی خوێندن لە پەیمانگە و زانکۆ حکومی و تایبەتەکان، تەنیا لە حاڵەتی بەدەستهێنانی بڕوانامەی بەرزتر کرێی خوێندنیان بۆ خەرجدەکرێت.

وەزارەتی کاروباری شەهیدان و ئەنفالکراوان بەرپرس نییە لەو خەرجییەی لە لایەن هەر قوتابخانە و پەیمانگە و زانکۆیەکەوە لە قوتابی و خوێندکار وەردەگیرێت لە بەرامبەر تاقیکردنەوەی خولی دووەم.

یەکەمەکانی قوتابخانە و پەیمانگە و زانکۆکان بەپێی یاسا و ڕێنماییەکانی (وەزارەتی خوێندنی باڵا و توێژینەوەی زانستی) و (وەزارەتی پەروەردە) لە کرێی خوێندن دەبەخشرێن، کرێی خوێندن دەگەڕێتەوە بۆ قوتابی و خوێندکارە یەکەمەکان.

پێشکەشکردنی داواکاری تۆماری ساڵانە بۆ خەرجکردنەوەی کرێی خوێندن لە سەرەتای دەستپێکردنی ساڵی خوێندن، تا ماوەی شەش (٦) مانگ دەبێت.

پێویستە قوتابی و خوێندکار هەموو ساڵێک تاکو تەواوبوونی خوێندنەکەیان پشتگیری بەردەوامبوون لە خوێندن لەو قوتابخانە و پەیمانگە یان زانکۆیەی لێی دەخوێنێت، ببەن بۆ بەڕێوەبەرایەتیی کاروبای شەهیدان و ئەنفالکراوانی پارێزگاکەی.

قوتابی و خوێندکار، ناوی شەهیدەکەی کە لە لیستی بوودجەی تەرخانکراوی بەڕێوەبەرایەتیی گشتیی هەر پارێزگایەک تۆمارکراوە، پشتگیری لەو بەڕێوەبەرایەتییە گشتییەوە دەهێنێت بۆ بەڕێوەبەرایەتیی گشتیی ئەو پارێزگایەی لێی دەخوێنێت، بە مەبەستی وەرگرتنی فۆڕم.

ناسنامە و بەڵگەنامەکان

پشتگيرى ئەو زانکۆیەی لێی ده‌خوێنێت، به‌ مه‌رجێک بڕى پاره‌ى خوێندن و ساڵى خوێندن له‌گەڵ به‌ش و قوناغى خوێندن ديارى كرابێت.

هێنانی ناسنامەی شەهید، بۆ دڵنيابوون لە جۆر و فايلى شەهيد.

كارتى زانيارى.

کارتی نیشتمانی یاخود ناسنامه‌ى بارى كه‌سی قوتابى.

فۆڕمى خۆراک.

پسوولەی ژمێریاری کرێی خوێندن، ئەگەر قوتابی و خوێندکار خۆی کرێ خوێندنەکەی دابێت.

ماوەی پێویست

سی (٣٠) خولەک بۆ پێشکەشکردنی مامەڵەکە، بەڵام وەرگرتنی ڕەزامەندی وەزارەتی دارایی بۆ خەرجکردنی کرێی خوێندن کاتەکەی نادیارە.

تێچوو

بێبەرامبەرە.

ڕێکار و هەنگاوەکان

خزمەتخواز سەرەتا پشتگيرى بەردەوامبوونی خوێندن لەو قوتابخانە یان پەیمانگا یان زانکۆیە دەهێنێت کە لێی دەخوێنێت، کە تێیدا بڕى پاره‌ى خوێندن و ساڵى خوێندن و به‌ش و قوناغى خوێندنی قوتابی ديارىكرابێت.

قوتابی و خوێندکار، ئەگەر ناوی شەهیدەکەی لە لیستی بوودجەی تەرخانکراوی بەڕێوەبەرایەتیی گشتیی پارێزگایەک بێت و شوێنی خوێندنەکەی لە پارێزگایەکی تر بێت پشتگیری لەو بەڕێوەبەرایەتییە گشتییە دەهێنێ کە شەهیدەکەی لێ تۆمارە، بۆ بەڕێوەبەرایەتیی گشتیی ئەو پارێزگایەی کە لێی دەخوێنێت.

سه‌ردانى به‌ڕێوه‌به‌رايه‌تیی گشتیی کاروباری شەهیدان و ئەنفالکراوانی پارێزگاکەی یان ئیدارە سەربەخۆکان دەکات.

سه‌ردانى ژووری په‌روه‌رده‌ دەکات، بە مەبەستی تۆمارکرنی ناوی قوتابی له‌ سيسته‌می داتابیس.

سه‌ردانى ژووری بانکی زانیاری دەکات، بە مەبەستی دڵنیابوون له‌ ڕاستى و دروستى زانياريیه‌كان.

سەردانی ژووری بەڕێوەبەر دەکات، بە مەبەستی پەسەندکردن و واژۆ لەسەر فۆڕمەکە.

دووبارە سەردانی ژووری پەروەردە دەکات، بە مەبەستی ڕاکێشانی فۆڕمی ساڵانەی خوێندن، دواتر قوتابی و خوێندکار فۆڕمەکە دەباتە ئەو قوتابخانە یان پەیمانگا یان زانکۆیەی لێی دەخوێنێت، مامەڵەکەی کۆتایی دێت، بۆ هەر ساڵێکی خوێندن ئەم ڕێکارە دووبارە دەکاتەوە.

یاسا و رێنمایی