گومرگکردنی کاڵا و کەلوپەلی هاوردە و هەناردە بۆ ناوەوە و دەرەوەی هەرێم

بەپێی یاسای پێناسەی گومرگی ژمارە (٢٢)ی ساڵی ٢٠١٠ (کە خشتەی پێناسەی گومرگی و ڕۆژنامەی کشتوکاڵی بەپێی سیستەمی هەماهەنگی جیهانی لەگەڵدا هاوپێچکراوە، لە خشتەکەدا بەهاى هەر کاڵایەک دیاریکراوە و بەپێی ڕێژەى سەدى، کە بۆ ناو هەرێم لە بەهای کاڵاکە (رەسمی گومرگی) بۆ ناو هەرێم یان دەرەوەی هەرێم، لەگەڵ کرێی پشکنین، کە بریتییە لە (١٧$) بۆ هەر بارهەڵگرێکی گەورە، (٩$) بەپێی ڕێنمایی گومرگی ژمارە (٦)ی ساڵی ٢٠١٦ بۆ بارهەڵگری دووتەنی و وەرگرتنی باجی داهات بەپێی ئەو ڕێنماییەی، کە لە بەڕێوەبەرایەتیی گشتیی باجەکان بۆ هاوردەکردن، کە بریتین لە چوار ڕێژە بەپێی بەشەکانی ناو پێناسەی گومرگی ئەوانیش (١.٨%، ٧%، ٠.٣%، ٢.٢٥%) پاڵپشت بە نووسراوی بەڕێوەبەرایەتیی گشتیی باجەکان و خانووبەرەی میری ژمارە (١٢٦٣) لە ٢٦/٢/٢٠١٩ و ژمارە (١٤٩١) لە ١٠/٣/٢٠١٩ و باجی هەناردەکردن بۆ سەرجەم کاڵاکان بە ڕێژەی (٠.٠٧٥%)دیاریکراوە و کۆمەڵێک کرێی بەپێی ڕێنمایی گومرگی ژمارە (٦)ی ساڵی ٢٠١٦ تر لەبابەتی:

کرێی وەرگرتنی سامپڵی خۆراک ١٣$
کرێی وەرگرتنی سامپڵی کۆنتڕۆڵی جۆری ١٣$
کرێی وەرگرتنی سامپڵی ڤێتەرنەری ١٣$
کرێی وەرگرتنی سامپڵی کشتوکاڵی ١٣$
کرێی وەرگرتنی سامپڵی سوتەمەنی هاوردە ٩$
کرێی وەرگرتنی سامپڵی بیناسازی ٧$
عمولەی بانک ٥$
بەهای فۆڕم ٣$
کرێی قەپان ٥$
پولی دارایی ٢$
تێبینی /
- ئەو شوێنانەی بانکیان لێ نییە پارەکە وەرناگیرێت عمولەی بانک وەرناگیرێت.
- کرێی پشکنینەکانی (کشتوکاڵی، تەندروستی، کۆنتڕۆڵی جۆری، تاقیگەی بیناسازی)ئەم کرێیانە لە کاتێکدا وەردەگیرێن، کە پشکنین و خزمەتگوزارییەکە ئەنجامدرابن لە لایەن فەرمانگە تایبەتمەندەکانی خۆیانەوە.