پێدانى مۆڵەتى ڕوخاندن

ڕوخاندن بەشێکە ‌له ‌خزمه‌تگوزاری ڕێپێدانى بیناکردن، لە ڕێگەی ئەم خزمەتەوە خزمەتخوازان دەتوانن خانوو و باڵاخانە کۆن و نالەبارەکان بڕوخێنن بۆ ئەوەى سەرلەنوێ پڕۆژەى نوێى لەسەر دروستبکەن.

لایەنی بەرپرس

بەڕێوەبەرایەتی شارەوانی

زانیاریی لایەنی بەرپرس

ناونیشانی سەردانی هاوڵاتی بۆ وەزارەتی شارەوانی و گەشتوگوزار / سەرۆکایەتی شارەوانی یەکەی ئیداری / بەڕێوەبەرایەتی شارەوانییەکان

ماڵپەڕ

ماڵپەڕی فەرمیی وەزارەتی شارەوانی و گەشتوگوزار

کاتی کارکردن

(٨:٣٠) بەیانی بۆ (٢:٣٠) دوای نیوەڕۆ.

ناونیشانەکان

به‌ڕێوه‌به‌رایه‌تیی شارەوانی یەک

هەولێر/ شەقامی (٣٠)م / بەرامبەر مزگەوتی صواف
ئیمەیڵ:- Rizgarnoori6@gmail.com

07504624796

به‌ڕێوه‌به‌رایه‌تیی شارەوانی دوو

هەولێر/ شەقامی بەحەرکە / تەنیشت کۆلێژی بەیان
ئیمەیڵ:- Municipality.two@gmail.com

07508916699

به‌ڕێوه‌به‌رایه‌تیی شارەوانی سێ

هه‌ولێر/ شه‌قامی (١٠٠)م / ته‌نیشت فاملی مۆڵ
ئیمەیڵ:- bsharawani3@gmail.com

07519154131

به‌ڕێوه‌به‌رایه‌تیی شارەوانی چوار

هەولێر/ گەڕەکی ڕووناکی / نزیک باخچەی ڕووناکی
ئیمەیڵ:- sharawai_chwar@yahoo.com

07508888714

به‌ڕێوه‌به‌رایه‌تیی شارەوانی پێنج

هەولێر گەڕەکی ڕووناکی / نزیک باخچەی ڕووناکی
ئیمەیڵ:- sharawani_five@yahoo.com

0662235073 - 0662593052

به‌ڕێوه‌به‌رایه‌تیی شارەوانی شەش

هەولێر/ شەقامی الحەکیم
ئیمەیڵ:- Sharawani6@yahoo.com

07504971150

مەرجەکان

نابێت داواکار کێشەى یاسایى لە موڵکەکەیدا هەبێت.

پێویستە موڵکەکە چۆڵکرابێت، واتە نابێت کارى تێدا بکرێت، یاخود خاوەن یان کرێگرتەی تێدا نیشتەجێبێت.

نابێت کێشەى لە وێنەى تۆمار و چەسپاندنى سنوور و بارى شوێن هەبێت.

بەدەستهێنانی وێنەی تۆماری موڵک

چەسپاندنی سنوور (تثبيت الحدود)

پابەندبوون بە ڕێنماییەکانى شارەوانى.

وەرگرتنى ڕەزامەندى لایەنە پەیوەندیدارەکانی (بەڕێوەبەرایەتیی ئاو و ئاوەڕۆ، بەڕێوەبەرایەتیی گشتیی دابەشکردنی کارەبا، بەڕێوەبەرایەتیی تۆمارگە).

هاوبەشی ئاوی پاک بۆ هاوڵاتییان

هاوبەشیکردنەوەی کارەبا بۆ پڕۆژە بازرگانییەکان

ئەگەر مامەڵەکه لە لایەن بریکارەوه جێبەجێبکرێت پێویسته بریکارنامەی هەبێت.

بريکارنامەى تايبەت

بريکارنامەى گشتى

ناسنامە و بەڵگەنامەکان

وێنەى تۆمار و چەسپاندنى سنوور لە شەش (٦) مانگ کۆنتر نەبێت، ئەگەر زەوییەکە موڵک بوو.

ناسنامەی بارى شارستانى خاوەن مامەڵەکە.

ماوەی پێویست

سێ (٣) بۆ پێنج (٥) ڕۆژ.

تێچوو

- کرێى پشکنین بۆ هەر پشکنینێک بڕى (١٥,٠٠٠) پازدە هەزار دینار وەردەگیرێت.
- دانانى بارمتە (تأمینات) بە بڕى (٣,٠٠٠) سێ هەزار دینار بۆ یەک مەتر دووجا، دواى تەواوبوونى کارەکەى دەتوانێت وەریبگرێتەوە.

ڕێکار و هەنگاوەکان

خزمەتخواز سەردانی بەڕێوەبەرایەتیی شارەوانی تایبەتمەند دەکات، بە مەبەستی پێشکه‌شکردنی داواکارى و بردنى بۆ لاى بەڕێوەبەر.

بەڕێوەبەر دەینێرێت بۆ بەشى نەخشەدانان یان ئەو لایەنەى کە پەیوەستە بە ڕوخاندنی خانوو.

سەردانی بەشی خەزنە دەکات، بە مەبەستی پارەدانی پشکنین.

دوای وەرگرتنەوەی ئه‌نجامی پشکنین دەگەڕێتەوە بۆ مۆڵه‌تدان بۆ ئەوەى کۆنوسى پشکنین وردبینی بکرێت. ئەگەر کێشەى تێدا نەبوو فۆڕمى ڕوخاندنی پێدەدرێت.

لە بەشى ژمێریارى بارمتەى لێ وەردەگیرێت.

لە بەشى یاسایى بەڵێننامەى لێ وەردەگیرێت.

هێنانەوەی ڕەزامەندی بەڕێوەبەرایەتیی ئاو و ئاوەڕۆ.

هێنانەوەی ڕەزامەندی بەڕێوەبەرایەتیی دابەشکردنی کارەبا.

هێنانەوەى ڕەزامەندى بەڕێوەبەرایەتیی خزمەتگوزارى و ژینگەپارێزى پێش ڕوخاندن.

وەرگرتنى ڕەزامەندى ڕوخاندن لە لایەن لیژنەى تایبەت.

هێنانەوەى ڕەزامەندى بەڕێوەبەرایەتى خزمەتگوزارى و ژینگەپارێزى پاش ڕوخاندن.

بەراییەکانى کۆپى دەکات، وێنەی ڕەسەن بۆ بەشى مۆڵەتدان و وێنەیەکى کۆپى بۆ بەشى خزمەتگوزارى و وێنەیەک بۆ خزمەتگوزار دەبێت.

پێدانی فۆڕمی زبڵخانە.

فۆرمی داواکاری

پێدانى مۆڵەتى بیناکردن بۆ دروستکردنى باڵاخانە و پێشانگا

واژوو کراوە لەلایەن

وەزیری شارەوانی و گەشتوگوزار

بەڕێوەبەری یاسایی

پەسەند کراوە لەلایەن

فەرمانگەی هەماهەنگی و بەدواداچوون

پێناسی خزمەت

MOMT-03

بابەت

زەوی و خانوبەرە

مۆڵەت و ڕێگاپێدان