ڕاستاندنی ئەو بەڵگەنامانەی، کە لە دەرەوەی هەرێمەوە دەردەچن (تصدیق الوثائق الصادرة من خارج الاقلیم) لە لایەن وەزارەتی دادەوە

بەڵگەنامەکان ڕەسەن (اصلي)بن یان وێنەی پەسەندکراوبن.

ئەو بەڵگەنامەیەی لە دەرەوەی هەرێم دەردەچێ و لە نوێنەرایەتییەکانی حکومەتی هەرێم پەسەندکرابێت، پێویستە خزمەتخواز سەرەتا بەڵگەنامەکە لە فەرمانگەی پەیوەندییەکانی دەرەوە پەسەندبکات دواتر بیهێنێتە وەزارەتی داد بۆ پەسندکردنی.

ئەو بەڵگەنامانەی، کە لە دەرەوەی هەرێم دەردەچن و لە نوێنەرایەتی (سەفارەت) عێراق پەسەندکرابن، پێویستە لە نووسینگەی وەزارەتی دەرەوەی عێراقی (لقی هەولێر) ڕاستاندنیان بۆ بکرێت، دواتر لە فەرمانگەی پەیوەندییەکانی دەرەوە ڕاستاندنیان بۆ دەکرێت دواتر لە وەزارەتی داد لە ڕووی یاساییەوە ڕاستاندنیان بۆ دەکرێت، ئینجا لە فەرمانگەکانی هەرێمی کوردستان کاریان پێ دەکرێت.

دەبێت خاوەنی بەڵگەنامەکە یان بریکارەکەی یان خزمێکی پلە یەکی ئامادەبێت.