تۆمارکردنی گواستنەوە و میرات (تسجیل الانتقال و الارث)

- ڕێژەی (٪١) لە نرخی خەمڵێنراوی موڵک (بەشی میراتلێگیراو لە موڵک) لە کاتی مردن بە مەرجێک میرات لێگیراو (المورث) سێ (٣) ساڵ زیاتر بەسەر مردنی تێپەڕ نەبووبێت پاڵپشت بە بڕگە (أ) لە ماددەی (٥٠) لە یاسای ڕەسمی دادی ژمارە (١١٤)ی ساڵی ١٩٨١ی هەموارکراو.
- ڕێژەی (٪٢) لە نرخی خەمڵێنراوی موڵک (بەشی میراتلێگیراو لە موڵک) ئەگەر کەسەکە زیاتر لە سێ (٣) ساڵ بەسەر مردنی تێپەڕ بووبێت، پاڵپشت بە بڕگە (ب) لە ماددە (٥٠) لە یاسای ڕەسمی دادی ژمارە (١١٤)ی ساڵی ١٩٨١ی هەموارکراو.
- ڕێژەی (٪٠.٥) لە نرخی خەمڵێنراوی موڵک (بەشی میراتلێگیراو لە موڵک) لە کاتی مردنی میراتلێگیراو، ڕەسمی پوول بە پێی بڕگەی (دووەم) لە خشتەی ڕەسمە ڕێژەییەکان لە یاسای ڕەسمی پوولی ئیتیحادی ژمارە (٧١) ساڵی ٢٠١٢ بەرکار و هەموارکراو لە هەرێمی کوردستان بە یاسای ژمارە (٩)ی ساڵی ٢٠٢١.
- بڕی (١٢,٠٠٠) دوازدە هەزار دینار بۆ لیژنەی کەشف و تەقدیر قیمەی عقار بەپێی ڕێنمایی تایبەت بە یاسای خەمڵاندنی بەهای خانووبەرە و سوودەکانی ژمارەی (٨٥) ساڵی ١٩٧٨ی هەموارکراو.
- بڕی (٧,٥٠٠) حەوت هەزار و پێنج سەد دینار ڕەسمی دادی، بەپێی بڕگە (٨) لە مادەی (٥٣)ی یاسای ڕەسمی دادی (١١٤)ی ساڵی ١٩٨١ هەموارکراو.
- بڕی (٧٥٠) حەوت سەد و پەنجا دینار وێنەی تۆمار بڕگە (٢) لە ماددە (٥٤) لە یاسای ڕەسمی دادی ژمارە (١١٤)ى ساڵی ١٩٨١ى هەموارکراو.
-بڕی (١,٠٠٠) یەک هەزار دینار ڕەسمی پوولی وێنەی تۆمار بەپێی بڕگە (٣٦) لە خشتەی ڕەسمە جێگیرەکان لە یاسای ڕەسمی پوولی ئیتیحادی ژمارە(٧١) ساڵی ٢٠١٢ بەرکار و هەموارکراو لە هەرێمی کوردستان بە یاسای ژمارە (٩)ی ساڵی ٢٠٢١.
- (٧٥٠) حەوت سەد و پەنجا دینار فۆڕم.
- بڕی (١,٠٠٠) یەک هەزار دینار ڕەسمی پوولی داواکاری فۆڕمی نمونە (١٠) بە پێی بڕگە (٤٩) لە خشتەی ڕەسمە جێگیرەکان لە یاسای رەسمی پوولی ئیتیحادی ژمارە (٧١) ساڵی ٢٠١٢ بەرکار و هەموارکراو لە هەرێمی کوردستان بە یاسای ژمارە (٩)ی ساڵی ٢٠٢١.