هەڵوەشاندنەوەی مۆڵەتی پیشەیی بۆ چاککردنەوەی (کەلوپەلی ناوماڵ و کەلوپەلی کارەبایی و کەلوپەلی ئۆتۆمبێل و میکانیکی)

خزمەتخواز سەردانی بەڕێوەبەرایەتی کار دەکات لە پارێزگا و ئیدارە سەربەخۆکان، بە مەبەستی پێشکەشکردنی داواکاری بۆ هەڵوەشاندنەوی مۆڵەتەکەی.

سەردانی ژووری وەرگرتە دەکات، بە مەبەستی وەرگرتنی ژمارەی وەرگرتە بۆ داواکارییەکەی.

سەردانی ژووری بەڕێوەبەر بە مەبەستی وەرگرتنی ڕەزامەندی سەرەتایی لەسەر داواکارییەکەی.

سەردانی ژووری خزمەتگوزاری دوای فرۆشتن دەکات، بە مەبەستی پڕکردنەوەی فۆڕمی هەڵوەشاندنەوەی مۆڵەتی پیشە و ئامادەکردنی هێنانی نووسراوی پاکانە بۆ بەڕێوەبەرایەتی دەستەبەری کۆمەڵایەتی، بەڕێوەبەرایەتیی باجیی دەرامەت، شارەوانی پەیوەندیدار و ئاسایشی ناوچەکە.

دوای گەڕاندنەوەی سەرجەم پاکانە و لارینەبوونەکان، پیشەوەر سەردانی ژووری خزمەتگوزاری دوای فرۆشتن دەکات، کاتی پشکنینی بۆ دیاریدەکرێت، بە مەبەستی دڵنیابوون لە نەمانی شوێنی پیشەکە.

دوای ئەنجامدانی پشکنین و گەڕاندنەوەی ڕەزامەندی سەرجەم ئەو فەرمانگانەی بۆی دیاریکراوە، فایل و داواکارییەکە ڕەوانەی بەڕێوەبەرایەتی گشتی کار و دەستەبەری کۆمەڵایەتی دەکرێت، بە مەبەستی وردبینی کۆتایی و بڕیاردان لەسەر هەڵوەشاندنەوەی مۆڵەتەکە، ئەم ڕێکارە لە ڕێگەی پۆستەچی فەرمانگەکە خۆی دەکرێت، پیشەوەر چاوەڕوانی بڕیاری هەڵوەشاندنەوەی پیشەکەی دەکات تا ئاگاداردەکرێتەوە.

دوای وردبینیکردن و نەبوونی هیچ کێشەیەک لە داواکاری و شوێنی کار، پیشەوەرەکە فەرمانی کارگێڕی و هەڵوەشاندنەوەی مۆڵەتەکەی لە لایەن بەڕێوەبەرایەتی گشتی کار و دەستەبەری کۆمەڵایەتی پەسەنددەکرێت و فەرمانەکە لە ڕێگەی پۆستەچی فەرمەنگەکەوە دەنێردرێتەوە بۆ ئەو بەڕێوەبەرایەتییەی داواکارییەکەی لێهاتووە، دواتر پیشەوەر لە ڕێگەی تەلەفونەوە ئاگاداردەکرێتەوە بۆ هاتنی و وەرگرتنەوەی فەرمانی هەڵوەشاندنەوەی مۆڵەتی پیشە.