هەڵوەشاندنەوەی بریکاری ئارد و خۆراک

سەردانی بەڕێوەبەرایەتیی دروستکردنی دانەوێڵە یاخود بەڕێوەبەرایەتیی بازرگانیی کەلوپەلی خۆراک بکات، بە مەبەستی پێشکەشکردنی داواکارییەکەی ئەگەر لە ناو شار بێت.
ئەگەر لە دەرەوەی شار بوو پێویستە سەرەتا سەردانی یەکەی کارگێڕی ناوچەکەی خۆی بکات، بە مەبەستی وەرگرتنی ڕەزامەندی هەڵوەشاندنەوە، دواتر سەردانی بەڕێوەبەرایەتیی دروستکردنی دانەوێڵە یاخود بەڕێوەبەرایەتیی بازرگانیی کەلوپەلی خۆراک بکات.

ئەگەر داواکارییەکە بە نووسراو لە یەکەی کارگێڕی ناوچەکەوە هێنرابێت، سەردانی ژووری وەرگرتە و دەرکردە دەکات، بە مەبەستی وەرگرتنی ژمارەی وەرگرتە.

سەردانی ژووری بەڕێوەبەر دەکات، بە مەبەستی وەرگرتنی ڕەزامەندی سەرەتایی.

سەردانی ژووری بریکاری دەکات، بە مەبەستی دەرهێنانی دۆسیەکەی، دەرکردنی فەرمانی کارگێڕی و هەڵوەشاندنەوەی بریکارییەکە.

دووبارە سەردانی ژووری بەڕێوەبەر دەکات، بە مەبەستی واژۆ لەسەر فەرمانی کارگێڕیی بۆ هەڵوەشاندنەوە.

سەردانی ژووری وەرگرتە و دەرکردە دەکات، بە مەبەستی پێدانی ژمارەی دەرکردە.