دابینکردنی زەوی نیشتەجێبوون بۆ زیندانیکراو و گیراوی سیاسی

دابینکردنی پارچەیەک زەوی بۆ زیندانیکراو و گیراوی سیاسی یان وارسەکانی (هاوسەر، منداڵ، دایک، باوک)، ئەگەر خۆی لە ژیاندا نەمابوو، بە مەبەستی بەکارهێنانی وەک شوێنی نیشتەجێبوون.
ئەم زەوییە ‌بێبەرامبەر پێیدەدرێت و ڕێگر نابێت لە وەرگرتنی پارچە زەوی تر لە لایەن زیندانییەکەوە، واتا بە سوودمەند هەژمار ناکرێت.

لایەنی بەرپرس

بەڕێوبەرایەتی کاروباری زیندانیە سیاسیەکان

زانیاریی لایەنی بەرپرس

ناونیشانی سەردانی هاوڵاتی بۆ بەرێوەبەرایەتی و هۆبەکانی زیندانیانی سیاسی

ماڵپەڕ

ماڵپەڕی فەرمیی وەزارەتی کاروباری شەهیدان و ئەنفالکراوان

کاتی کارکردن

(٨:٣٠)ی بەیانی بۆ (٢:٠٠)ی دوای نیوەڕۆ.

ناونیشانەکان

دیوانی وەزارەتی کاروباری شەهیدان و ئەنفالکراوانی هەولێر

هەولێر / شەقامى (٣٠)م / نزیک پردی سەیداوە
ئیمەیل:- info@moma.gov.krd

بەڕێوەبەرایەتیی گشتیی خزمەتگوزاری هەولێر

هەولێر / شەقامى (٣٠)م / نزیک پردی سەیداوە / ناو بینای وەزارەت

به‌ڕێوه‌به‌رايه‌تیى كاروبارى زيندانیيه‌ سياسيیه‌كانی هەولێر

هەولێر / گەڕەکی هه‌ڤاڵان / پشت چێشتخانه‌ى باب الحاره‌
ئیمەیل:- Zindanisyase@yahoo.com

07714360012 - 07514577976

هۆبه‌ى زيندانییە سياسىییەکانی دهۆک

دهۆک / نزايكى / نزيک كۆمپانياي جيهان

07502460500

هۆبه‌ى زيندانییە سياسییەکانی سلێمانى

سلێمانی / به‌رانان / نزيک مزگه‌وتى شێخ فەريد

07701526442

هۆبه‌ى زيندانییە سياسییەکانی گه‌رميان

کەلار / گه‌ڕه‌كى ڕاپه‌ڕين / به‌رامبه‌ر كۆمكارى زيندانیى گه‌رميان

هۆبه‌ى زيندانییە سياسییەکانی ڕاپەڕین

ڕانیە / گه‌ڕه‌كى قوله‌ / به‌رامبه‌ر په‌روه‌رده‌ى ڕانيه‌

07501147676

مەرجەکان

دەبێت ناوی لە لایەن لیژنەی تایبەتمەند بە تێڕوانینی زیندانییە سیاسییەکان پشتڕاستکرابێتەوە وەک زیندانیکراو و ڕاگیراوی سیاسی، بەپێی یاسای ژمارە (١١) ساڵی ٢٠١١ هەموارکراو.

ئەم خزمەتە لە ڕێگای بریکارەوە پێشکەشدەکرێت، بە مەرجێک بریکارنامەی یاسایی هەبێت.

بريکارنامەى تايبەت

بريکارنامەى گشتى

ناسنامە و بەڵگەنامەکان

ناسنامه‌ى زيندانىکراو و ڕاگیراوی سیاسی.

کارتی نیشتمانی (یاخود ناسنامه‌ى بارى شارستانى و ڕه‌گه‌زنامه‌ى عێراقى زيندانیيه‌كه‌).

ئه‌گه‌ر زيندانييه‌كه‌ له‌ ژيان نه‌مابوو، پێويستى به‌ بڕوانامەی مردن و دابه‌شنامه‌ى شەرعى هه‌يه‌، بۆ دياریكردنى وا‌رسه‌كانى، له‌گه‌ڵ وێنه‌ى تۆمارى كه‌سى.

فۆڕمى خۆراک.

ماوەی پێویست

ماوەی داواکردنی ئەم خزمەتە بیست (٢٠) خولەکی پێویستە، بەڵام دەستکەوتنی خزمەتەکە ماوەیەکی درێژی پێویستە، چونکە پێویستی بە ئامادەکردنی لیستی گشتی هەیە، دواتر ڕەزامەندی ئەنجومەنی وەزیران و وەزارەتی شارەوانی.

تێچوو

بێبەرامبەرە.

ڕێکار و هەنگاوەکان

بە گشتی وەزارەتی کاروباری شەهیدان و ئەنفالکراوان/ بەڕێوەبەرایەتی کاروباری زیندانییە سیاسییەکان خۆی لیستی پێدانی زەوی بە زیندانیکراو و گیراوی سیاسی ئامادەدەکات.

دوای ڕەزامەندی ئەنجومەنی وەزیران و وەزارەتی شارەوانی و دابەشکردنی زەوییەکە، پێویستی بە نووسراوی پشتگیری دەبێت بۆ تۆمارکردنی زەوییەکە، لە پرسگەی بەڕێوەبەرایەتی کاروباری زیندانییانی سیاسی داواکاری پێشکەشدەکات هەر لە پرسگەش دوای سی (٣٠) خولەک پشتگیرییەکەی وەردەگرێتەوە.

فۆرمی داواکاری

پێویستە فۆرمی داواکاری هاوپێچ بکرێت، ئەگەر هەبێت.

یاسا و رێنمایی