گۆڕینی تابلۆی ئۆتۆمبێل، ئامێر یان ماتۆڕسکیل به‌ هه‌موو جۆره‌کانی ئەگەر کۆن بێت یان گه‌چرابێت

گۆڕینی تابلۆی ئۆتۆمبێل، ئامێر یان ماتۆڕسکیل لە چاپی کۆنەوە بۆ جۆری چاپی نوێی پیتی ئینگلیزی، لە کاتی گەچران یان کۆنبوونی بە هۆی ڕووداوی هاتووچۆ یاخود هەر هۆکارێکی تر.

لایەنی بەرپرس

بەرێوبەرایەتی هاتووچۆی پارێزگاکانی هەرێم

زانیاریی لایەنی بەرپرس

ناونیشانی سەردانی هاوڵاتی بۆ بەرێوەبەرایەتییەکانی هاتووچۆ

ماڵپەڕ

ماڵپەڕی فەرمیی وەزارەتی ناوخۆ

بەڕێوەبەرایەتی هاتووچۆی هەولێر

بەڕێوەبەرایەتی هاتووچۆی سلێمانی

بەڕێوەبەرایەتی هاتووچۆی دهۆک

کاتی کارکردن

(٨:٣٠)ی بەیانی بۆ (٣:٠٠)ی دوای نیوەڕۆ.

ناونیشانەکان

بەڕێوەبەرایەتی هاتووچۆی هەولێر

هەولێر/ سەر شەقامی (١٥٠)م/ بەرامبەر گەنجان ستی

440

بەڕێوەبەرایەتی هاتووچۆی کۆیە

کۆیە / نزیک بنکەی پۆلیسی کۆیە

440

بەڕێوەبەرایەتی هاتووچۆی سۆران

قەزای سۆران/ سەر ڕێگای دیرزیان/ نزیک یاریگای سۆران

07508687599

بەڕێوەبەرایەتی هاتووچۆی دهۆک

دهۆک / قەزای سێمێل / دۆمیز / نزیک وارفین ستی

440

بەڕێوەبەرایەتی هاتووچۆی سلێمانی

سلێمانی/ تاسلوجە
ئیمەیڵ:- info@sultraffic.com

440

بەڕێوەبەرایەتی هاتووچۆی هەڵەبجە

پارێزگای هەڵەبجە / گۆران ستی

0538852876

بەڕێوەبەرایەتی هاتووچۆی گەرمیان

گەرمیان / سەر شەقامی ڕزگاری / کەلار

بەڕێوەبەرایەتی هاتووچۆی ڕاپەڕین

ڕانیە / گەڕەکی ڕاپەڕین

440

مەرجەکان

تابلۆی ژمارەکە لەو پارێزگایە تۆمارکرابێت کە داواکارییەکەی لێ پێشکەشدەکرێت، لە لایەن خاوەنی ساڵیانە یاخود بریکاری ساڵیانە داواکارییەکە پێشکەشبکرێت.

بريکارنامەى تايبەت

بريکارنامەى گشتى

تابلۆی ئۆتۆمبێل یان ماتۆڕسکیلەکە چاپی ڕەسەن بێت.

پێویستە ئۆتۆمبێل یان ماتۆڕسکیلەکە پشکنینی لاشەی ئۆتۆمبێل یان ماتۆڕسکیلەکەیە پشکنینی (opvi) توندوتۆڵی ئۆتۆمبێل یان ماتۆڕسکیلەکە بەسەرنەچووبێت.

پێویستە بڕی ئەو سزایانە بدرێت، کە لەسەر ئۆتۆمبێل، ئامێر یان ماتۆڕسکیلەکەیە.

ناسنامە و بەڵگەنامەکان

کارتی نیشتمانی (یان ڕەگەزنامەى عێراقى، ناسنامەى بارى شارستانى).

کارتی زانیاری.

ئەگەر بیانی بێت (پاسپۆرت و کارتی نشینگە و لایەنگری دانیشتن).

ساڵیانەی ئۆتومبێل یان ماتۆڕسکیلەکە.

ماوەی پێویست

یەک (١) بۆ دوو (٢) کاتژمێر.

تێچوو

بە پێی بڕیاری ژمارە (٧٩) ساڵی ٢٠١٦:
- ڕسوماتی ونبوون یان تێکچوونی تابلۆ بۆ یه‌که‌م جار ‌ (١٠٠,٠٠٠) سه‌د هه‌زار دینار.
- ڕسوماتی ونبوون یان تێکچوونی تابلۆ بۆ دووه‌م جار (١٥٠,٠٠٠) سه‌د و په‌نجا هه‌زار دینار.
- ڕسوماتی ونبوونی یان تێکچوونی تابلۆ بۆ زیاتر له‌ دوو جار (٢٥٠,٠٠٠) دوو سه‌د و په‌نجا هه‌زار دینار.
بە پێی ڕێنمایی ژمارە (٢)ی ساڵی ٢٠٢٢:
- ڕسوماتی گۆڕینی تابلۆی سیستەمی نوێی پیتی ئینگلیزی بە ئارەزوومەندانە (١٣٠,٠٠٠) سەد و سی هەزار دینار.
- ڕسوماتی گۆڕینی یەک (١) تابلۆ (٣٧,٠٠٠) سی و حەوت هەزار دینار.
- ڕسوماتی گۆڕینی دوو (٢) تابلۆ (٧٥,٠٠٠) حەفتا و پێنج هەزار دینار.
- ڕسوماتی گۆڕینی سێ (٣) تابلۆ (١١٢,٠٠٠) سەد و دوازدە هەزار دینار.
بەپێی فەرمانی وەزاری ژمارە (٥٩٣) پیتی (د) لە بەرواری ٢٠٢١/١٢/٢٤:
- ڕسوماتی نووسینی سكاڵا (عەریزە) (٥,٠٠٠) پێنج هەزار دینار.

ڕێکار و هەنگاوەکان

ئەگەر پشکنینی لاشە و پشکنینی توندوتۆڵی (opvi) بەسەرچووبێت، پێویستە لە یەکێک لە بنکەکانی پشکنین پشکنینەکانی نوێبکرێنەوە.

خزمەتخواز سەردانی بەڕێوەبەرایەتی گشتی هاتووچۆی تایبەتمەند دەکات.

سەردانی سکاڵانووس (عەریزەنووس) دەکات، بە مەبەستی سکانکردنی سەرجەم بەڵگەنامەکان، تۆمارکردنی زانیارییەکان و ناردنی بۆ بەڕێوەبەرایەتی هاتووچۆی تایبەتمەند.

سەردانی په‌نجه‌ره‌ی کۆمپیوته‌ری سزا و ده‌ستبه‌سه‌رداگرتن دەکات، بە مەبەستی دڵنیابوون لە نەبوونی سزا لەسەر ئۆتۆمبێل، ئامێر یان ماتۆڕسکیلەکە.

ئەگەر سزای لەسەر بوو، سەردانی پەنجەرەی سزا دەکات، بە مەبەستی دانی بڕی ئەو سزایانەی لەسەر ئۆتۆمبێل، ئامێر یان ماتۆڕسکیلەکەیە.

سەردانی ژووری ئه‌فسه‌ری په‌نجه‌مۆر دەکات، بە مەبەستی وه‌رگرتنی په‌نجه‌مۆر.

سەردانی ژووری ڕسومات دەکات، بە مەبەستی دانی بڕی ڕسوماتی نوێکردنەوەی تابلۆ.

لە پەنجەرەی وەرگرتنی مامەڵە، مامەڵەکە ڕادەستده‌کرێت و وردبینی بۆ دەکرێت. دواتر سەردانی کارگەی چاپکردنی تابلۆ دەکات، بە مەبەستی چاپکردنی تابلۆی تازە.
تێبینی / ئامێرە کشتوکاڵی و بیناسازییەکان پێویست ناکات ببردرێت بۆ کارگەی چاپکردنی تابلۆ.

فۆرمی داواکاری