سەردانی بەشی پشکنینی ماتۆرسکیل لە یەکێک لە بەڕێوەبەرایەتیەکانی هاتووچۆ دەکات، بە مەبەستی پشکنینی لاشەی ماتۆڕسکیلەکە.

سەردانی سکاڵانووس (عەریزەنووس)، بە مەبەستی سکان کردنی سەرجەم بەڵگەنامەکانی تۆمارکردن و دروستکردنی فایلی ئەلیکترۆنی، بۆ تۆمارکردنی زانیارییەکان و ناردنی بۆ بەڕێوەبەرایەتی هاتووچۆی تایبەتمەند.

سەردانی بەشی سزا و ده‌ستبه‌سه‌رداگرتن، بە مەبەستی دڵنیابوون لە نەبوونی سزا له سەر ماتۆڕسکیلەکە. شێوازی نۆرەگرتنەکە ئەلیکترۆنییە لە ڕێگەی ئامێری نۆرەگرتن.

ئه‌گه‌ر ماتۆڕسکیلەکه‌ سزای له‌ سه‌ر بوو، پێویسته‌ لە پەنجەرەی سزادان بڕی ئه‌و سزایه‌ بدات.

سەردانی په‌نجه‌ره‌ی ئه‌فسه‌ری په‌نجه‌مۆر، بە مەبەستی وەرگرتنی په‌نجه‌مۆر.

سەردانی په‌نجه‌ره‌ی کۆمپیوته‌ری ژماره‌ دانان، بە مەبەستی وه‌رگرتنی ژماره‌ی ماتۆڕسکیلە‌کە. ژماره‌ دانان به‌ شێوه‌ی هەڕەمەکی لە لایەن کۆمپیوتەرەوە دەردەچێت.

دواتر ده‌چیته‌ په‌نجه‌ره‌ی ڕسومات، بە مەبەستی دانی بڕی ڕسوماتی دایاریکراو.

له‌ په‌نجه‌ره‌ی وه‌رگرتنی مامه‌ڵه،‌ مامه‌ڵه‌که ڕادەست دەکرێت وردبینی بۆ ده‌کرێت، بۆ دڵنیابوون له‌ نه‌بوونی که‌موکوڕی له‌ مامەڵەکە، دواتر پسوله‌ی وه‌رگرتنی تابلۆی پێ ده‌درێت.

پەنجەرەی (ده‌رکرده‌ و وه‌رگرته‌)، بە مەبەستی تۆمارکردنی پسولەی تابلۆ وەرگرتن.

بردنی ماتۆڕسکیلە بۆ کارگه‌ی چاپکردنی تابلۆ بۆ بەستنی تابلۆی نوێی ماتۆڕسکیلەکە.

ده‌گه‌ڕێیته‌وه‌ ناو به‌ڕێوه‌به‌رایه‌تی هاتووچۆی تایبەتمەند، به‌ مه‌به‌ستی وه‌رگرتنی ساڵیانه‌که‌ لە پەنجەرەی وەرگرتنی ساڵیانە، بە مەرجی هێنانەوەی پسولەی تابلۆ گۆڕین.