ئاگاداری
لە ئێستادا وەرگرتنی ئەو پێشینەیە وەستاوە، بەڵام سوودمەندانی پێویستە بەگوێرەی ئەو خشتەیەی بۆیان دیاریکراوە پێشینە وەرگیراوکە بگەڕێنەوە بۆ خەزێنەی حکومەت، بەپێچەوانەوە سوودی دواکەوتن دەکەوێتە سەر پێشینەکانیان.
پێناسە
پێدانی پێشینەی نیشتەجێکردنە بەو هاوڵاتیانەی، کە یەکەیەکی نیشتەجێبوون دەکڕن لە یەکێک لەو پڕۆژە نیشتەجێکردنانەی مۆڵەت پێدراون لە دەستەی وەبەرهێنان، ئەمەش بۆ هاوکاری کار ئاسانی هاوڵاتییانە تاوەکو ببنە خاوەنی یەکەیەکی نیشتەجێبوون.
لایەنی بەرپرس
زانیاریی لایەنی بەرپرس
وەزارەتی دارایی و ئابووری/بەرێوەبەرایەتی گشتی دیوان/بەرێوەبەرایەتی گشتی بانکە پسپۆریەکان/بانکەکانی نیشتەجێکردن
کاتی کارکردن
(٨:٠٠)ی بەیانی بۆ (٣:٠٠)ی دوا نیوەڕۆ.
بانکی نیشتەجێکردن / هەولێر
هەولێر - ئیسکان پشت شوقەکانی ئیسکان بانکی بێخال نهومی دووەم
ئیمەیڵ:- bankinvestment45@yahoo.com
ئیمەیڵ:- bankinvestment45@yahoo.com
0662642246 - 07504792612
بانکی نیشتەجێکردن / سلێمانی
سێمانی –خوار مزگەوتی قازی محمد
ئیمەیڵ:- nishtagekrdnbank@yahoo.com
ئیمەیڵ:- nishtagekrdnbank@yahoo.com
07701548830 - 0532271180
بانکی نیشتەجێکردن / دهۆک
دهۆک - تەنیشت فەرمانگەی زانایانی ئایینی
ئیمەیڵ:- eskanbank.duhok@yahoo.com
ئیمەیڵ:- eskanbank.duhok@yahoo.com
07504833842 - 0627650586
مەرجەکان
سەرجەم هاوڵاتیان و فەرمانبەران و کاسبکاران خەڵکی هەرێمی کوردستان دەگرێتەوە. بە مەرجێک ته‌مه‌نی هەژدە (١٨) ساڵی ته‌واو کردبێت.
خزمەتخواز دەبێت نە خۆی، نە خێزانی، نە منداڵی ناکامی (منداڵی خوار ١٨ ساڵ) یەکەی نیشتەجیبوونیان بە ناو نەبێت و سوودمەند نەبووبن لە وەرگرتنی شوقە و زەوی و خانووی حکومی لە سنووری حکومەتی هەرێمی کوردستان.
پێویستە پڕۆژە نیشتەجێکردنەکە لە لایەن دەستەی وەبەرهێنانی حکومەتی هەرێمی کوردستان مۆڵەتی پێدرابێت.
ڕێژەی(٪٣٠) بڕی تێچووی یەکەکە وەک پێشینە دەدرێتە (کڕیار).
ئەو کوڕانەی تەمەنیان لە خوار سی (٣٠) ساڵەوەیە پرۆسەی هاوسەرگیریان ئەنجامنەداوە و ئەو کچانەی تەمەنیان لە سەرووی چل و پێنج (٤٥) ساڵەوەیە و پرۆسەی هاوسەرگیریان ئەنجامنەداوە، بۆیان هەیە بڕی ئەو قەرزەی، کە وەری دەگرن بگاتە (٪٤٠) تیچوونی یەکە نیشتەجێیەکە.
وارسی شەهیدان و ئەنفالکراوان و کەم ئەندامان بۆیان هەیە ئەو قەرزەی وەری دەگرن بگاتە ڕێژەی (٪٤٠)ی تێچووی ئەو یەکەیەی، کە دەیکڕن، بە مەرجێک لایەنی پەیوەندیداری هەر یەکە لە ناوبراوان پشتگیریان بکات.
ئەو پڕۆژانەی لە قەزاو ناحیەکاندا جێبەجێ دەکرێت، بۆیان هەیە قەرزەکەیان بگاتە ڕێژەی (٪٤٠) تێچوونی ئەو یەکەیەی، کە دەیکڕن.
خزمەتخواز دەبێت دەستەبەری دارایی (کفالة بملغ) هەبێت، لە کاتی نەگەڕاندنەوەی بڕی قەرزەکە ئەو کەسەی دەستەبەرە داراییەکەی بۆ قەرز وەرگرکردووە پێویستە قەرزەکە بداتەوە.
ئەم خزمەتە لە لایەن بریکارەوە پێشکەشدەکرێت، بەپێی بریکارنامەی دادنووس.
خزمەتخواز پێویستە دوای ساڵێک لە وەرگرتنی قۆناغی یەکەمی پێشینەکەی دەست بە گەڕاندنەوەی پێشینەکەی بکات بەو شێوەی بۆی دیاریکراوە، لە کاتی نەگەڕاندنەوەی پێشینەکە لەو ماوەیەی بۆی دیاریکراوە سوودی دواکەوتنی بە ڕێژەی (٪١٠) دەچێتە سەر.
ناسنامە و بەڵگەنامەکان
کارتی نیشتمانی یاخود (ناسنامەی باری شارستانی، ڕەگەزنامەی عێراقی) و فۆڕمی خۆراک و کارتی زانیاری، بۆ دڵنیابوون لەوەی خزمەتخواز خەڵکی هەرێمی کوردستانە.
پشتگیریی دەستەی وەبەرهێنان بۆ خزمەتخواز.
ئەگەر خزمەتخواز فەرمانبەری حکومەت بێت، پێویستە پشتگیری لە فەرمانگەکەی بهێنێ، بۆ ئەوەی بیسەلمێنێ کە فەرمانبەرە و مانگانە قەرزەکەی لە مووچەکەی ببڕدرێت.
نووسراوی ئەستۆپاکیی بەڕێوەبەرایەتییەکانی تۆماری خانووبەرە، بە مەبەستی سەلماندنی سوودمەندنەبوونی خزمەتخواز.
ماوەی پێویست
یەک (١) بۆ سێ (٣) مانگ.
تێچوو
- ئەگەر قەرزەکە (٣٠,٠٠٠,٠٠٠) سی ملیۆن دینار (٩,٠٠,٠٠٠) نۆ سەد هەزار دینار.
- ئەگەر قەرزەکە (١٨,٠٠٠,٠٠٠) هەژدە ملیۆن دینار (٥٤٠,٠٠٠) پێنج سەد و چل هەزار دینار.
- لە کاتی نەگەڕاندنەوەی پێشینەکە لەو ماوەیەی بۆی دیاریکراوە، سوودی دواکەوتنی بە ڕێژەی (٪١٠) دەچێتە سەر.
- ئەگەر قەرزەکە (١٨,٠٠٠,٠٠٠) هەژدە ملیۆن دینار (٥٤٠,٠٠٠) پێنج سەد و چل هەزار دینار.
- لە کاتی نەگەڕاندنەوەی پێشینەکە لەو ماوەیەی بۆی دیاریکراوە، سوودی دواکەوتنی بە ڕێژەی (٪١٠) دەچێتە سەر.
ڕێکار و هەنگاوەکان
خزمەتخواز سەردانی یەکێک لە بانکە نیشتەجێکردنەکان دەکات.
سەردانی هۆبەی پێشینە دەکات، بە مەبەستی وەرگرتنی فۆڕمی داواکاریی وەرگرتنی پێشینە.
سەردانی ژووری بەڕێوەبەر دەکات، بە مەبەستی واژۆ لەسەر داواکارییەکەی.
دووبارە سەردانی هۆبەی پێشینە دەکات، بە مەبەستی پڕکردنەوەی فۆڕمی پێشینەکە و نووسراوکردن بۆ بەڕێوەبەرایەتییەکانی تۆماری خانووبەرە یاخود هەر فەرمانگەیەکی تر، کە پێویست بکات.
دوا هێنانەوەی وەڵامی نووسراوەکان سەردانی ژووری کارگێڕی و خۆییەتی دەکات، بە مەبەستی پێدانی ژمارەی هاتوو بە نووسراوەکان.
سەردانی ژووری بەڕێوەبەر دەکات، بە مەبەستی واژۆی بەڕێوەبەر لەسەر نووسراوەکان.
دووبارە سەردانی هۆبەی پێشینە دەکات، بە مەبەستی ڕێکخستنی دۆسییەی پێشینەکە و دانانی نۆبەی پشکنین (کشف) بۆ سەر پڕۆژەکە.
دوای ئەنجامدانی پشکنین (کشف) و نەبوونی هیچ کەم و کوڕییەک دەچێتەوە هۆبەی پێشینە، بە مەبەستی واژۆی لیژنەی پێشینە و بەڕێوەبەری هۆبەی پێشینە.
سەردانی ژووری وردبینی دەکات، بە مەبەستی وردبینی و دڵنیابوون لە نەبوونی هیچ کەم و کوڕییەک لە دۆسییەکەی.
سەردانی ژووری بەڕێوەبەر دەکات، بە مەبەستی ڕەزامەندیی کۆتایی لەسەر مامەڵەکە.
سەردانی ژووری ژمێریاری دەکات، بە مەبەستی پێدانی چەکی قۆناغی یەکەمی پێشینەکەی.
خزمەتخوا سەردانی ئەو بانکە دەکات، کە بۆی دیاریکراوە، بە مەبەستی خەرجکردنی چەکی پارەکەی.
دوای تەواوبوونی پڕۆژەکە پشکنینی کۆتایی بۆ یەکەکە دەکرێت، بە مەبەستی دڵنیابوون لە تەواوبوونی پڕۆژەکە، بە هەمان شێوەی قۆناغی یەکەم چەکی قۆناغی کۆتایی پێشینەکەی بۆ دەکرێت و مامەڵەکەی تەواو دەبێت.
فۆرمی داواکاری
پێویستە فۆرمی داواکاری هاوپێچ بکرێت، ئەگەر هەبێت.
یاسا و رێنمایی
خزمەتە پەیوەندیدارەکان
پێویستە خزمەتە پەیوەندیدارەکان دەستنیشان بکرێن، ئەگەر هەبن.
واژوو کراوە لەلایەن
پێویستە ئەم خزمەتە لەلایەن بەڕێزان وەزیر/سەرۆکی دەستە و بەڕێوبەری گشتی دیوان و لیژنەی خزمەت واژوو بکرێت.
پێناسی خزمەت
MOF-24
بابەت
دوا دەستکاری24-03-2024
Feedback