پێویستە هاوڵاتی خۆی ئامادە بێت، چونکە سکانی گلێنەی چاو و پەنجەی لێوەردەگیرێت.

هەموو هاوڵاتییەک ژمارەی کەسیی بێ هاوتا (UPN) خۆی دەبێت، ژمارەی هیچ کەس لە کەس ناچێت و دووبارەی تیدا نیە هیچ کەس ناتوانێت دوو ژمارەی کەسیی بێ هاوتا (UPN) هەبێت.

بۆ مووچەخۆری کەرتی گشتی پێویستە نووسراوی پشتگیری فەرمانگەکەی لەگەڵ بەڵگەنامەکانی شایستەبوونی مووچەخۆر و فۆڕمی بایۆمەتری پەسندکراوی هەبێت.

پێویستە ناسنامەی خزمەتخواز ماوەی دەرچوونەکەی زیاتر نەبێت لە (١٠) دە ساڵ و وێنەی سەر ناسنامەکە هاوشێوەی کەسەکە بێت، ئەگەر خزمەتخواز ناسنامەی کۆن بێت و پاسپۆرتی نەبێت یاخود ماوەکەی بەسەرچوو بێت پێویستە سەردانی فەرمانگەی کارتی نیشتیمانی بکات بۆ هێنانی صورة قیدی ئەلیکترونی.

هاوڵاتیانی بیانی دەتوانن ژمارەی کەسیی بێ هاوتا (UPN) دروست بکەن، بە مەرجێک کارتی نیشینگەیان هەبێت.

لە کاتی ونکردنی ژمارەی کەسیی بێ هاوتا (UPN) خزمەتخواز دەتوانێت سەردانی بنکەکانی تۆمار بکات بە پێی سنوری جوگرافیا بۆ وەرگرتنەوەی (UPN).