پرسگە؛ کاری پرسگە دڵنیابوونەوەیە لە مانەی خوارەوە:
- ئەو کەسەی کە ڕاپۆرتەکەی لایە دەبێت (سەرۆکی ڕێکخراو - بەڕێوەبەری دارایی - ژمێریار) بێت و پرسگە دەبێت جەخت بکاتەوە لە نوسراوی ڕاسپاردن (تخویل).
- پڕکردنەوەی فۆرمی ڕاپۆرتی دارایی ساڵانە.
- دەبێت ڕێکخراوەکە کۆپییەکی ڕاپۆرتی داراییەکەی (بە شێوەی کۆتایی) لەسەر CD و بە شێوەی PDF لەگەڵ خۆی بهێنێت. وە وێنەیەکی لۆگۆی ڕێکخراو بە فۆرماتی JPEG یان PNG تێدا بێت.
- دوای دڵنیابوونەوە لەو خاڵانەی سەرەوە، ڕێگە بە نوێنەرەکە دەدرێت بچێتە ژوورەوە بۆ هۆڵی فەرمانگە.

سیستەمی تاک پەنجەرە، پێکهاتووە لە فەرمانبەرێکی بەڕێوەبەرایەتی دارایی و فەرمانبەرێکی بەڕێوەبەرایەتی کارگێڕی کە لە هۆلی فەرمانگە دادەنیشن.
کاری فەرمانبەری بەڕێوەبەرایەتی کارگێڕی واردکردنی نوسراوی ڕاپۆرتەکەیە دوای دڵنیابوونەوە لە ڕاپۆرتەکە لە ڕووی ڕواڵەتەوە (واژۆ، مۆر).
وە کاری فەرمانبەرەکەی بەڕێوەبەرایەتی دارایی دڵنیابوونەوەیە لە تەواوی دۆکیومێنتەکانی نێو ڕاپۆرتی دارایی بە پێی لیستێک کە هاوپێچکراوە. (فۆرمی وەرگرتنی ڕاپۆرتی دارایی).
ئینجا هەردوو فەرمانبەرەکە و نوێنەری ڕێکخراوەکە واژۆ دەکەن لەسەر (فۆرمی وەرگرتنی ڕاپۆرتی دارایی) و ڕاپۆرتەکە وەردەگیرێت و نوێنەرەی ڕێکخراوەکە ئاگادار دەکرێتەوە کە هەر کاتێک ڕاپۆرتەکەی پەسەندکرا، یاخود لە وردبینی کێشەی هەبوو ئەوا پەیوەندی پێوەی دەکرێت.

دوای تەواوبوونی وردبینی و لە کاتی پەسەندکردنی، ڕاپۆرتەکە ڕەوانەی بەڕێوەبەرایەتی دارایی دەکرێتەوە. وێنەیەکی پسولەکە دەرێتەوە بە ڕێکخراوەکە، وێنەیەک بۆ ئەرشیفی فەرمانگە، وێنەیەک بۆ باجی کۆمپانیاکان.