بریکارنامەى گشتی بۆ ڕەوەندی کوردی لە دەرەوەی وڵات

دابینکردنى بریکارنامەى گشتى بۆ ڕەوەندى کوردستانى لە دەرەوەی وڵات، بۆ پێدانى بریکاریەتى گشتى لە لایەن کەسێکەوە کە لە دەرەوەى کوردستان دەژیت بە کەسێک کە لە ناو هەرێمى کوردستان دەژیت، بە مەبەستى پێدانى دەسەڵاتی یاسایی تەواو بۆ ئەنجامدانى ئیش و کارەکانی لە دامودەزگا پەیوەندارەکان لە حکومەتى هەرێمی کوردستان.

لایەنی بەرپرس

نوێنەرایەتیەکانی حکومەتی هەرێم لە دەرەوە

زانیاریی لایەنی بەرپرس

پێوستە ناونیشانی سەردانی هاوڵاتی پڕ بکرێتەوە.

مەرجەکان

پێویستە بریکاردار لە بەردەم نوێنەرى حکومەتی هەرێمی کوردستان ئامادەبێت.

هەبوونی ناسنامەى تایبەت بە بریکاردار وەکو ناسنامەى باری کەسی، ڕەگەزنامەى عێراقى، پاسپۆرت یان کارتى نیشتەجێبوون.

بردنى بریکانامە ڕەسەنەکە لە لایەن بریکارەوە بۆ فەرمانگەى پەیوەندییەکانى دەرەوە بۆ ئەوەى لە بەڕێوەبەرایەتى کاروبارى یاسایی بەشی پەسەندکردن، پشتڕاستبکرێتەوە.

تێبینی: ڕێنماییەکان لەسەر ماڵپەڕی نوێنەرایەتییەکانى حکومەتى هەرێم بە زمانەکانى کوردى، ئینگلیزى و عەرەبى هەیە.

ناسنامە و بەڵگەنامەکان

ناسنامەى تایبەت بە بریکاردار وەکو (ناسنامەى باری کەسی، ڕەگەزنامەى عێراقى، پاسپۆرت یان کارتى نیشتەجێبوون) یان کارتی نیشتمانی.

پێناسەى بارى شارستانى یان ڕەگەزنامەى عێراقى بریکار.

ئەگەر کەسەکە بیانى بوو، ناسنامە یان پاسپۆرت.

بەڵگەنامەى پەیوەندیدار بە بریکارنامەکە، لە کاتێکدا پێویست بێت وەک بەڵگەنامەى تۆمارى موڵک یان زەوى یان بەڵگەنامەى سامانى گوازراوە و نەگوازراوە.

تێبینى: لە هەندێک نوێنەرایەتى بۆ نموونە نوێنەرایەتى حکومەتى هەرێم لە ئەمریکا ئەو بەڵگەنامانەى پێویستن بۆ بە دەستهێنانى ئەم خزمەتگوزارییە بەم شێوەیەى خوارەوەیە:

دابینکردنى یەک (١) وێنە لە هەر یەک لە ناسنامەى عێراقى و ناسنامەى ئەمریکا، بۆ نموونە (ڕەگەزنامە).

سێ (٣) کۆپى لە فۆڕمە کوردییەکان بە مەرجێک نووسینەکانى ڕوون و دیاربێت و بخوێنرێنەوە.

یەک (١) کۆپى لە فۆڕمى ئینگلیزى کە لە لایەن دادنوس (کاتب عدل) واژۆ کرابێت.

دابینکردنى سێ (٣) وێنەى کەسى.

زانیارى سەبارەت بە شوێنى پەیوەندیکردن، لە ناوى تەواو، ناونیشان، ژمارەى تەلەفۆن و ئیمەیل.

ماوەی پێویست

یەک (١) بۆ پێنج (٥) ڕۆژ.

تێچوو

بێبەرامبەرە.

ڕێکار و هەنگاوەکان

ئەگەر داواکار بۆ خۆى سەردانى نوێنەرایەتى بکات، تەنیا دوو (٢) ژوور پێویستە بۆ جێبەجێکردنى خزمەتگوزارییەکە، ژوورى بەڕێوەبەرایەتیى کونسوڵگەرى و ڕەوەندى کوردستانى و ژوورى نوێنەر، بەڵام کارمەندی بەرپرس کارەکان ئەنجامدەدات و هاوڵاتیان لە پرسگە چاوەڕێ دەکەن.

تێبینی: ئەگەر داواکار بە پۆستە مامەڵەکەى بنێرێت بۆ نوێنەرایەتى تەنیا بە یەک هەنگاو کۆتایى دێت بۆ بە دەستهێنانى خزمەتگوزارییەکە، ئەگەر هەموو بەڵگەکانى تەواو بێت.

فۆرمی داواکاری