دابینکردنی تێچووی خوێندنی زیندانی و ڕاگیراوی سیاسی یاخود یەکێک لە منداڵەکانی

ده‌بێت زيندانى و ڕاگيراوى سياسى ناوى پشتڕاست كرابێته‌وه‌ له‌ لايه‌ن لیژنه‌ى تێڕوانينى داواكارى بوون به‌ زيندانيكراو يان گيراوى سياسی، هەروەها منحەی مانگانەی بۆ بەسترابێت، بەپێی ڕێنمایی دارایی ژمارە (٢٣)ی ساڵی ٢٠٢٠ی (تایبەت بە خزمەتگوزاری خوێندن و تەندروستی کەسوکاری شەهیدان و ئەنفالکراوان و زیندانیکراو و گیراوی سیاسی).

زيندانى سیاسی تەنیا خۆى يان يه‌كێک له‌ منداڵه‌كانى سوودمه‌ند دەبێت له‌ وه‌رگرتنى ئه‌م خزمه‌تگوزاريیه‌.

وەرگرتنی قوتابی و خوێندکار بەپێی یاسا و ڕێنماییەکانی (وەزارەتی خوێندنی باڵا و توێژینەوەی زانستی) حکومەتی هەرێمی کوردستان دەبێت.

ده‌بێت قوتابى و خوێندكار وه‌رگيرابێت له‌ زانكۆ تایبەتییەکان يان حكومى به‌ شێوازى (پارالێڵ) لە خوێندن بەردەوام بێت.

قوتابى و خوێندكار تەنیا یەک (١) جار بۆ هەر قۆناغێکی خوێندن سوودمەند دەبن، ناکرێ بەهۆی (دواخستن، مۆڵەت، گواستنەوە، دەرنەچوون) لە هەر قۆناغێکی خوێندن دووبارە کرێی خوێندنیان بۆ خەرجبکرێت.

پێویستە قوتابی و خوێندکار هەموو ساڵێک تاکو تەواوبوونی خوێندنەکەیان پشتگیری بەردەوام بوون لە خوێندن، لەو زانکۆیەی لێی دەخوێنێت، ببات بۆ بەڕێوەبەرایەتیی زیندانیانی سیاسی بۆ تۆماركردنى ناوى قوتابى له‌ سيسته‌مى داتابەیس.

وەزارەتی کاروباری شەهیدان و ئەنفالکراوان بەرپرس نییە لەو خەرجییەی لە لایەن هەر قوتابخانە، پەیمانگا و زانکۆیەکەوە لە قوتابی و خوێندکار وەردەگیرێت لە بری تاقیکردنەوەی خولی دووەم.

یەکەمەکانی زانکۆکان بەپێی یاسا و ڕێنماییەکانی (وەزارەتی خوێندنی باڵا و توێژینەوەی زانستی) لە کرێی خوێندن دەبەخشرێن، کرێی خوێندن دەگەڕێتەوە بۆ قوتابی و خوێندکارە یەکەمەکان.

پێشکەشکردنی داواکاری تۆماری ساڵانە بۆ خەرجکردنەوەی کرێی خوێندن لە سەرەتای دەستپێکردنی ساڵی خوێندن تا ماوەی شەش (٦) مانگ دەبێت.

ئەم خزمەتە لە ڕێگای بریکارەوە پێشکەشدەکرێت، بە مەرجێک بریکارنامەی یاسایی هەبێت.