وەرگرتنی ڕاپۆرتی دارایی چالاکی ڕێکخراوەکان

پرسگە؛ کاری پرسگە دڵنیابوونەوەیە لە مانەی خوارەوە:
- ئەو کەسەی، کە ڕاپۆرتەکەی لایە، دەبێت (سەرۆکی ڕێکخراو - بەڕێوەبەری دارایی - ژمێریار) بێت و پرسگە دەبێت جەخت لە نووسراوی ڕاسپاردن (تخویل) بکاتەوە.
- پڕکردنەوەی فۆڕمی ڕاپۆرتی دارایی ساڵانە.
- دەبێت ڕێکخراوەکە کۆپییەکی ڕاپۆرتی داراییەکەی (بە شێوەی کۆتایی) لەسەر CD و بە شێوەی PDF لەگەڵ خۆی بهێنێت، کە وێنەیەکی لۆگۆی ڕێکخراو بە فۆرماتی JPEG یان PNG تێدا بێت.
- دوای دڵنیابوونەوە لەو خاڵانەی سەرەوە، ڕێگە بە نوێنەرەکە دەدرێت بچێتە ژوورەوە بۆ هۆڵی فەرمانگە.

سیستەمی تاک پەنجەرە، پێکهاتووە لە فەرمانبەرێکی بەڕێوەبەرایەتیی دارایی و فەرمانبەرێکی بەڕێوەبەرایەتیی کارگێڕی، کە لە هۆلی فەرمانگە دادەنیشن.
کاری فەرمانبەری بەڕێوەبەرایەتیی کارگێڕی واردکردنی نووسراوی ڕاپۆرتەکەیە، دوای دڵنیابوونەوە لە ڕاپۆرتەکە لە ڕووی ڕواڵەتەوە (واژۆ، مۆر).
کاری فەرمانبەرەکەی بەڕێوەبەرایەتیی داراییش دڵنیابوونەوەیە لە تەواوی دۆکیومێنتەکانی نێو ڕاپۆرتی دارایی بەپێی لیستێک، کە هاوپێچکراوە. (فۆڕمی وەرگرتنی ڕاپۆرتی دارایی).
ئینجا هەردوو فەرمانبەرەکە و نوێنەری ڕێکخراوەکە واژۆ لەسەر (فۆڕمی وەرگرتنی ڕاپۆرتی دارایی) دەکەن و ڕاپۆرتەکە وەردەگیرێت و نوێنەرەی ڕێکخراوەکە ئاگادار دەکرێتەوە، کە هەر کاتێک ڕاپۆرتەکەی پەسەندکرا، یان لە وردبینی کێشەی هەبوو ئەوا پەیوەندی پێوە دەکرێت.

دوای تەواوبوونی وردبینی و لە کاتی پەسەندکردنی، ڕاپۆرتەکە ڕەوانەی بەڕێوەبەرایەتیی دارایی دەکرێتەوە. وێنەیەکی پسوولەکە دەدرێتەوە بە ڕێکخراوەکە، وێنەیەک بۆ ئەرشیفی فەرمانگە، وێنەیەک بۆ باجی کۆمپانیاکان.