پێناسە
ساڵانە لە پشکی گشتی حەجی خەڵکی هەرێمی کوردستان وەزارەتی ئەوقاف و کاروباری ئایینی پشکێکی تایبەت بۆ کەسوکاری (کچ، کور، خێزان، دایک، باوک، خوشک و برا) سەربەرزی شەهیدانی سەنگەر و جینۆسایدکراوان تەرخاندەکات بۆ ئەنجامدانی سەفەری فەریزەی حەج.
لایەنی بەرپرس
زانیاریی لایەنی بەرپرس
ناونیشانی سەردانی هاوڵاتی بۆ بەڕێوەبەرایەتییە گشتییەکانی وەزارەتی کاروباری شەهیدان و ئەنفالکراوان
کاتی کارکردن
(٨:٣٠)ی بەیانی بۆ (٢:٠٠)ی دوای نیوەڕۆ.
بەڕێوەبەرایەتیی گشتیی شەهیدان و ئەنفالکراوان / هەولێر
هەولێر/ شەقامی (٣٠)م / نزیک پردی سەیداوە
07504720699
مەرجەکان
پێویستە خزمەتخواز (کچ، کور، خێزان، دایک، باوک، خوشک و برا) شەهیدی سەنگەر یان جینۆسایدکراو بێت.
سەرجەم ئەو مەرجانەی تێدابێت کە ساڵانەی وەزارەتی ئەوقاف و کاروباری ئایینی دیاریان دەکات بۆ ئەنجامدانی فەریزەی حەج.
سەرجەم تێچووی سەفەری فەریزەی حەج لە ئەستۆی خزمەتخواز دەبێت.
پێویستە خزمەتخواز مووچەکەی لە کامە بەڕێوەبەرایەتیی گشتیی شەهیدان و ئەنفالکراوانە لەو شوێنە داواکاری پێشکەشبکات.
ناسنامە و بەڵگەنامەکان
ناسنامەی شەهیدان.
پاسپۆرتی خزمەتخواز.
کارتی نیشتمانی یاخود (ناسنامەی باری شارستانی) خزمەتخواز.
ماوەی پێویست
دە (١٠) بۆ بیست (٢٠) خولەک.
تێچوو
- پێشکەشکردنی داواکاری و خۆتۆمارکردن لە وەزارەتی شەهیدان بێبەرامبەرە.
- تێچووی فەریزەی حەج کە ساڵانە وەزارەتی ئەوقاف و کاروباری ئایینی ڕایدەگەینێت لە ئەستۆی خزمەتخوازە.
- تێچووی فەریزەی حەج کە ساڵانە وەزارەتی ئەوقاف و کاروباری ئایینی ڕایدەگەینێت لە ئەستۆی خزمەتخوازە.
ڕێکار و هەنگاوەکان
خزمەتخواز بەپێی سنوری جوگرافیاکەی سەردانی یەکێک لە بەڕێوەبەرایەتییە گشتییەکانی کاروباری شەهیدان و ئەنفالکراوان دەکات لە پارێزگا و ئیدارە سەربەخۆکان.
سەردانی بانکی زانیاری دەکات، بە مەبەستی دەستنیشانکردنی و پشتڕاستکردنەوەی جۆری شەهیدانەکەی.
سەردانی ژووری خزمەتگوزاری شەهیدان دەکات، بە مەبەستی تۆمارکردنی ناوەکەی، لە ڕۆژی ئەنجامدانی تیروپشکەکە ئاگاداردەکرێتەوە.
دوای ئەنجامدانی تیروپشک بۆ ناوەکان بە ئامادەبوونی خزمەتخوازان، ناوی کاندیدانی دەرچوو و یەدەگەکان ڕادەگەیەنرێت و ئاگاداردەکرێنەوە، دواتر لە نێوان وەزارەتی کاروباری شەهیدان و ئەنفالکراوان و وەزارەتی ئەوقاف و کاروباری ئایینی ڕێکارە کارگێڕییەکانی ئەنجامدەدرێن، کاندیدە دەرچووەکان لە لایەن وەزارەتی ئەوقاف و کاروباری ئایینی ئاگادار دەکرێنەوە بۆ ئەنجامدانی ڕێکارەکانی تایبەت بە فەریزەی حەج.
فۆرمی داواکاری
پێویستە فۆرمی داواکاری هاوپێچ بکرێت، ئەگەر هەبێت.
یاسا و رێنمایی
خزمەتە پەیوەندیدارەکان
پێویستە خزمەتە پەیوەندیدارەکان دەستنیشان بکرێن، ئەگەر هەبن.
واژوو کراوە لەلایەن
پێویستە ئەم خزمەتە لەلایەن بەڕێزان وەزیر/سەرۆکی دەستە و بەڕێوبەری گشتی دیوان و لیژنەی خزمەت واژوو بکرێت.
پێناسی خزمەت
MOMA-13
دوا دەستکاری
15-04-2024
ئەگەر هەر سکاڵایەکتان سەبارەت بەم خزمەتە هەبوو، تکایە ئاگادارمان بکەنەوە.
سکاڵا تۆمار بکە:
سیستەمی سکاڵای هاوڵاتییان