وەرگرتنی باجى گواستنەوەى موڵکایەتى

زنجیرە: 
MOF01

ئەم خزمەتە پێشکەش دەکرێت لە کاتى فرۆشتنى موڵک بەشێوەیەکی گشتی بە پێی یاسایى ژمارە (113) ی

باجی دەرامەتى ساڵى (1982) ی هەموارکرا و یاسای ژمارە (26) ساڵى 2007 لەگەڵ یاسای ژمارە (20) ساڵى 2011.

دەزگای بەرپرس: 
وەزارەتی دارایی و ئابوریبەڕێوەبەرایەتی گشتی باجەکان و خانوبەرەى میرىفەرمانگەکانى باجی دەرامەت
مافی وەدەستهێنان: 

بۆ ئەو کەسانەى موڵک دەفرۆشن لە بەڕێوەبەرایەتیەکانی تۆمارگەى خانووبەرە موڵکەکانیان بە ناوى کڕیار
دەکەن.

مەبەست: 

بە مەبەستی کڕین و فرۆشتنى موڵک ئەم خزمەتە داوادەکرێت.

مەرجەکان: 

١. هێنانى مامەڵەى موڵکەکە لە بەڕێوەبەرایەتی تۆمارى خانووبەرەرێکخراوە.
٢. ئەگەر خاوەن موڵک ناکام بێت وتەمەنی(18)ساڵ کەمتربێت ئەوا دەبێت رەزامەندی بەڕێوەبەرایەتى سەرپەرشتیارى ناکامەکان بهێنێت.

بەڵگەنامەکان: 

١. ناسنامەى بارى شارستانى.بۆ زانینی شوێنی تۆمارکردنی باجدەر.

2. مامەڵەى موڵکەکە (لە گەڵ سە ندو وێنەیەک لەکەشف وتاپۆ)
3. بریکارنامەبۆ بریکار.

بریکاری و نوێنەریکردن: 

بە ڵێ ،بریکار دەبێ بریکارنامەی هەبێت.

نرخی وەرگرتنی خزمەت: 

لەبەرێوەبەریەتیەکانی باج هیچ تێچوویەکی نیە،تەنهابڕی باجەکەی لێ وەردەگیرێت بە پێی ئەو بڕو رێژانەی لە یاساکانی باج هاتووە.

ماوەی پێویست: 

ماوەى (2) کاتژمێر ئەگەر کڕیار و فرۆشیار پێشتر باجیان دابێت یاخود قەرزداری باج نەبێت بەڵام ئەگەر قەرزاربن پێویستە باجەکەیان بدەن ئینجا مامەڵەی فرۆشتنی موڵکیان بۆ ڕایی دەکرێت.

هەنگاوەکان: 

یەکەم هەنگاو: ژوورى خەملێنەر.
دواین هەنگاو: مۆرکردنى مامەڵە لە لایەن بەڕێوەبەر.

ژوورەکان: 

١. خەملێنەرى زەوى زار(پرکردنەوەی فۆرمی فرۆشتنی موڵک).
٢. ژوورى کۆمپيوتەر.(وەرگرتنی لاری نەبونی لایەنەکان).
٣- خەملێنەرى پيشە.(ئەگەردۆسیەی هەبوو).
٤-ژووری ووردبین.(ووردبینی کردنی خە مڵاندنەکە).
٥-ژووری خەزنە.(دانی باجەکەی).
٦-ژووری خەملێنەری زەوی وزار.(مۆرکردنی فۆرمی تایبەت بەمامەڵەی فرۆشتنی موڵکە کە).
٧-ژووری بەرێوەبەر.(واژووکردن لە سەر فۆرمەکە).
٨-ژووری خەملێنەر.(نوسەری زەوی وزارهەڵدەستێت بە پرکردنەوەی ناو فۆرمەکەوئەرشیف کردنی سەرەتاکان).

واژو: 

١. خەملێنەرى زەوی وزار : هەژمارکردنى باجەکە.
٢-ژووری کۆمپیتەر : وەرگرتنی ژمارەی دۆسیە ئەگەر دۆسیەی هە بێت.
٣. خەملێنەرى پیشە :ئەگەر دۆسیەی هەبوو پێویستە لاری نەبوونی خەمڵێنەری تایبەت وەربگیرێت دوای دانی باجە کە.
٤-ووردبینی زەوی زار :ووردبینی کردنی مامەڵەکە.
٥-بەرێوەبەر :مۆرکردنی مامەڵەکە.

ژمارەی سەردان: 

تەنها یەکجار سەردانی بەرێوەبەرایەتی باج دەکات بەمەبەستی تەواوکردنی مامەڵەکەی ئەوەندەی پەیوەندی بە باج هه بێت.بەڵام ئەگەر سەرچاوەی داهاتی تری هەبوو وە قەرزاری باج بوو سەرەتا پێویستە باجی هەموو پیشەکانیتری بدات،ئینجا مامەڵەی فرۆشتنی مولکی بۆرایی دەکرێت.

پێداویستی لە دامودەزگای تر: 

١-بەرێوەبەرایەتی تۆماری خانووبەرە:کرین وفرۆشتن و ئەنجامدانی هەرگۆرانکاریەک لەسەر موڵک لە بەرێوەبەرایەتیەکانی تۆماری خانووبەرە ئاراستەی بەرێوەبەرایەتیەکانی باج دەکرێت بەمەستی وەرگرتنی باج.

٢- بەرێوەبەرایەتی باجی خانووبەرە:هیچ مامەڵەیەک لەسەر هیچ موڵکێک ئەنجام نادرێت تاکو سەردانی بەرێوەبەرایەتی باجی دەرامەت نەکات،ئەگەرقەرزاری باج بێت پێويستە باجەکەی بدات ئینجا مامەڵەکەی رایی دە کرێت.
تێبینی:
هەندێک مامەڵەی تایبەت هەن کە لە رێگەی دادگاکانەوە ئاراستە دەکرێن وەک لابردنی کۆبەش(ازالةشیوع).

زانیاری دەربارەی فۆرم و هاوپێچ: 
ئە گەر باجدەر ئامادەبوو باجەکە ی بدات،هیچ فۆرمێک پڕناکاتەوە تەنها فۆرمی تایبەت بەمامەڵەکەی لەلایەن نوسەری زەوی زار بۆ پڕدەکرێتەوە ، بەلام ئەگەر باجەکەی نەدا و داوای لە باجەکەی خۆشبن بەپێی یاسای ژمارە (20) ساڵى 2011ئەوا باجدەر فۆرمێک پڕدەکاتە لەژووری لێبووردنی بە بێ بەرامبەر.
ناونیشان / ئەدرەس: 

ئەدرەسى سەردان، وەزارەتی دارایی و ئابوری›بەڕێوەبەرایەتی گشتی باجەکان و خانوبەرەى میرى›فەرمانگەکانى باجی دەرامەت

1/بەرێوەبەرایەتى باجى دەرامەتى هەولێر/1 (گەرەکى نەورۆز-نزیک نەخوشخانەى سەردەم)
2/ بەرێوەبەرایەتى باجى دەرامەتى هەولێر/2(گەرەکى نەورۆز-نزیک نەخوشخانەى سەردەم)
3/ بەرێوەبەرایەتى باجى دەرامەتى سلێمانى/1 (جادەى شەست مەترى،گردە بەراوەکە،پشت بەنزینخانەى بینایى)
4/ بەرێوەبەرایەتى باجى دەرامەتى سلێمانى/2(جادەى شەست مەترى،گردە بەراوەکە،پشت بەنزینخانەى بینایى).
5/ بەرێوەبەرایەتى باجى دەرامەتى دهۆك ( تاخى میدیا ،جادەى ئوسترالیا )
6/ بەرێوەبەرایەتى باجى دەرامەتى زاخۆ ( نزیک محکمەى نۆى).
7/ بەرێوەبەرایەتى باجى دەرامەتى ئاکرێ (گەرەکى یازدەى ئەیلول ،نزیک کۆمەلگاى دارایى ئاکرێ)
8/ بەرێوەبەرایەتى باجى دەرامەتى سۆران (کۆمەلگاى دارایى).
9/ بەرێوەبەرایەتى باجى دەرامەتى كۆیە (کۆمەلگاى دارایى)
10/ بەرێوەبەرایەتى باجى دەرامەتى راپەرین( رانیە ،جادەى گشتى کۆمەلگاى فەرمانگەکان)
11/ بەرێوەبەرایەتى باجى دەرامەتى گەرمیان(بازار ،بەرامبەر بالەخانەى بامۆک)
12/ تێبینەرایەتى دەرامەتى دەربەندیخان (کۆمەلگاى فەرمانگەکان)
13/تێبینەرایەتى دەرامەتى چەمچەماڵ (گەرەکى راپەرین، بەرامبەر بانکى چەمچەماڵ).

ئایا ئەم رێنماییە بەسوودبوو؟