فەرمانى کارگێڕى

زنجیرە: 
NGO08

ئەم خزمەتە بە ئامانجى تەواوکردنى بڕگەکانى یاساى ژمارە یەک(1) ساڵى 2011، ماددەى(12-13-14)
و ماددەى(21) پێشکەشدەکرێت.

دەزگای بەرپرس: 
فەرمانگەی رێکخراوە ناحکومیەکان
مافی وەدەستهێنان: 

--ئەم خزمەتە سەرجەم رێکخراوە تۆمارکراوەکان دەگرێتەوە کە لە فەرمانگەى رێکخراوە ناحکومییەکانەوە تۆماکراون،

بەرێکخراوە لۆکاڵ و عێراقى و بیانى و تۆڕەکانەوە.

مەبەست: 

•بە فەرمیى ناساندنى دەستەى کارگێڕیى ڕێکخراو، وەک دامەزراوەیەکى تۆمارکراو لەلایەن فەرمانگەى ڕێکخراوە ناحکومییەکان و ڕێگەخۆشکردن بۆ دامەزراوە حکومى و ئەهلیەکان تا بتوانن لەگەڵ رێکخراوەکەدا پەیوەندى ببەستن.

مەرجەکان: 

بۆ رێکخراوە لۆکاڵییەکان (کوردستانییەکان) و عێراقییەکان:-

١-ئەرێکردنى (تصدیق) تۆمارەکانى رێکخراوە کە بریتین لە (تۆمارى هەبووەکان/ تۆمارى ئەندامان/ تۆمارى بڕیارەکان/ تۆمارى ژمێریایى) یان هەر تۆمارێکى تر ئەگەر هەبوو وەک (تۆمارى نوسراوە هاتووەکان/ تۆمارى نوسراوە دەرچووەکان/ تۆمارى چالاکى و پڕۆژەکان).

٢-کۆنوسى هەڵبژاردنى دەستەى کارگێڕیى ڕێکخراو.

٣-نمونەى کڵێشەى ڕێکخراو.

٤-(کۆپیەک) لە بڕوانامەى تۆمار/ کۆپیەک لە فەرمانى کارگێڕیى لە ئەگەرى نوێکردنەوە.

٥-ناسنامەى بارى شارستانى و کارتى زانیارى دەستەى دامەزرێنەران، کارتى نشینگە ئەگەر کەسەکە بیانى یان دانیشتووى ناوچەکانى دەرەوەى سنورى هەرێمى کوردستان بوو.

بۆ رێکخراوە بیانییەکان:-
١-نوسراوێکى ڕێکخراو کە تێیدا داواى دەرکردنى فەرمانى کارگێڕیى دەکات.
٢-نوسراوى ڕێگەپێدانى بەڕێوەبەرى هەرێمى.
٣-پشتگیریى پاکانەى باج.
٤-لیستى ستافى ڕێکخراو و بەڵگەنامە کەسییەکانیان.
٥-پلانى کارى ڕێکخراو بۆ ماوەى ساڵێک لە کوردستان.
٦-(کۆپى) بڕوانامەى تۆمار.
٧-نوسراوى ڕێگەپێدان (تخویل) بۆ ئەو کەسەى سەردانى فەرمانگە دەکات بۆ جێبەجێکردنى ڕێکارە کارگێڕیى و یاساییەکان.

بەڵگەنامەکان: 

پێداویستیەکانی بەدەستهێنانى فەرمانى کارگێڕیى :

١-ناسنامەى بارى شارستانى و کارتى زانیاریى دەستەى کارگێڕیى، بە مەبەستى سەلماندنى کەسیەتى

راستەقینەى ئەو کەسانەى دەبنە دەستەى کارگێڕى ڕێکخراوەکە، ئەگەر کەسێک بەڵگەنامە کەسیەکانى خۆى

نەخستبێتە نێو دۆسیەکە سەلمێنەرە کە ناوەکەى خراوەتە نێو لیستى دەستەى دامەزرێنەران نەوەک خۆى ڕازى بووبێت.

بریکاری و نوێنەریکردن: 

بەڵێ ئەم خزمەتە لەلایەن نوێنەرەوە بەدەست دێت بەڵام پێویستە ئەو کەسە (نوێنەر) لەلایەن رێکخراوەکەوە ڕێگەپێدانى هەبێت و (تخویل) کرابێت و بەڵگەنامەى (تخویل)ـى هەبێت، یاخود بریکارنامەى هەبێت.

نرخی وەرگرتنی خزمەت: 

هيچ تيچويه كى نيه وبئ به رامبه ره.
.هيچ رسوماتيك له به رامبه ر وه رناگيريت.

ماوەی پێویست: 

ماوەى (7) رۆژ دەخایەنێت.

هەنگاوەکان: 

-هەنگاوى یەکەم: سەردانیکردنى فەرمانگە و وەرگرتنى دۆسیە لەلایەن بەڕێوەبەرایەتى کارگێڕیى.

-دوواین هەنگاو: سەردانیکردنەوەى فەرمانگە بۆ وەرگرتنەوەى بەڵگەنامەى فەرمانى کارگێڕیى.

ژوورەکان: 

-تەنها سێ واژۆى پێویستە
١-بەڕێوەبەرایەتى کارگێڕیى، بە مەبەستى ووردبینى پەڕاوەکان و دۆسیەکە.

٢-بەڕێوەبەرایەتى یاسایى، بە مەبەستى ووردبینى یاسایى پەڕاوەکان و دۆسیەکە.

٣-سەرۆکى فەرمانگە یان جێگرەکەى، بە مەبەستى پەسەندکردنى کۆتایى.

واژو: 

-تەنها سێ واژۆى پێویستە.
١.بەڕێوەبەرایەتى کارگێڕیى، بە مەبەستى ووردبینى پەڕاوەکان و دۆسیەکە.
٢.بەڕێوەبەرایەتى یاسایى، بە مەبەستى ووردبینى یاسایى پەڕاوەکان و دۆسیەکە.
٣.سەرۆکى فەرمانگە یان جێگرەکەى، بە مەبەستى پەسەندکردنى کۆتایى.

ژمارەی سەردان: 

-تەنها دوو جار سەردانى فەرمانگە دەکات.

--سەردانى یەکەم بۆ پێشکەشکردنى مامەڵەکە.

--سەردانى دووەم بۆ وەرگرتنەوەى ئەنجامى مامەڵەکە.

--لەنێوان سەردانى یەکەم و کۆتایى (7) ڕۆژ پێویستە.

پێداویستی لە دامودەزگای تر: 

پێویست بە هیچ بەڕێوەبەرایەتیەکى ناحکومیى ناکات، تەنها (١) بەڕێوەبەرایەتى حکومیى پێویستە:-تەنها سەردانى بەڕێوەبەرایەتى باج و دەرامەتى حکومەت دەکات بە مەبەستى دڵنیابوونەوە لە پێدانى لێبڕینى
ڕاستەوخۆى کارمەندانى ڕێکخراو.

زانیاری دەربارەی فۆرم و هاوپێچ: 
•نەخێر هیچ فۆڕمێک نییە •پێویست ناکات لە داهاتوشدا فۆڕمى بۆ دابندرێت، چونکە پێداویستیەکان لەلایەن خزمەتخوازەوە پێشکەشدەکرێن. •پێویستى بە مۆرى عەریزە نوس نییە
گروپ: 

حکومەتی هەرێمی کوردستان، بە سەرپەرشتی راستەوخۆی ئەنجومەنی وەزیران و هەماهەنگی و بەشداری سەرجەم وەزارەت و دامودەزگاکانی و لە چوارچێوەی پرۆسەی بەردەوامی چاکسازی و خستنەڕووی داتا و زانیاری و شەفافیەت و حوکمڕانی دروست، پرۆگرامی خزمەت رادەگەیەنێت.

پۆرتالی خزمەت بەشێکە لە پرۆگرامی خزمەت، کە لە ئێستادا رێنمایی تەواو سەبارەت بە چۆنیەتی راییکردنی مامەڵە تایبەتەکان بڵاودەکاتەوە. لە داهاتوویەکی نزیکدا ئەم پۆرتالە کار و چالاکیەکانی فراوانتر دەکات.

ئایا ئەم رێنماییە بەسوودبوو؟