بەرجەستەکردنى زانیاری بۆ وەبەرهێنەر

زنجیرە: 
BOI01

خستنه‌ڕووى زانیاری يارمه‌تيده‌ر بۆ وه‌به‌رهێنه‌ران و ده‌زگاى حکومى و ناحکومى و توێژه‌رانى زانستى و ده‌زگاى راگه‌ياندن لەسەر پڕۆژەکانی وەبەرهێنان، پڕۆژە مۆڵەت پێدراوەکان بەوردی و بەگشتی، ئامادەکردنی نامیلکە و بڵاوکراوەی زانیاری لەسەر ژیان و گوزەرانی دانیشتوانی هەرێمى کوردستان.

دەزگای بەرپرس: 
دەستەی وەبەرهێنانبەڕێوەبەرایەتی گشتی وەبەرهێنانی پارێزگاکان
مافی وەدەستهێنان: 

وەبەرهێنەر (بیانی و خۆمالی)، وەزارەتی پەیوەندیدار، قوتابیان، رۆژنامەنووسان و دەزگاکانى راگەیاندن و هەرکەسێک کە پێویستی پێبێت.

مەبەست: 

به‌رده‌ستخستنى زانيارى بۆ وەبەرهێنەر، بۆ کاری توێژینەوەی زانستی قوتابیەنی ماستەر و دکتۆرا، بۆ بوارەکانی راگەیاندن و وەزارەتە پەیوەندیدارەکانی حکومەتى هه‌رێمى کوردستان.

مەرجەکان: 

١. وێبسایتی دەستە. www.kurdistanivestment.org لێرەدا پێویست بەهیچ مەرجێک ناکات.

٢. ئەگەر زانیاری داواکراو لە وێبسایتی دەستە نەبوو ئەوا ئەوکەسەی داوای زانیاری دەکات داواکاریەکی فەرمی ئاراستەی دەستەکەمان دەکات.

بەڵگەنامەکان: 

هیچ بەڵگەنامەو ناسنامەی پێویست نیە تەنها پێشکەشکردنی داواکاری کە ژمارەی تەلەفۆن و ناوو جۆری بەکارهێنانی زانیاریەکانی تێدا روون کرابێتەوە.

بریکاری و نوێنەریکردن: 

بەڵێ، دەتواندرێت تەنانەت ئەگەر توێژەریش نەبێت دەستەبەر دەبێت، بۆ هەرکەسێک کە پێویستی پێبێت.

نرخی وەرگرتنی خزمەت: 

بێبه‌رامبه‌ر پێشکه‌ش ده‌کرێت.

ماوەی پێویست: 

(1) کاتژمێر.

هەنگاوەکان: 

هەنگاوی یەکەم: سەردانیکردن و پێشکەشکردنی داواکاری.

دوا هەنگاو: وەرگرتنی زانیاری.

ژوورەکان: 

(2) هەنگاو پێویستە:
هەنگاوی یەکەم: ژووری بەڕێوەبەری گشتی بۆ ئاراستەکردنی داواکارییەکە بۆ ژووری زانیاری.

هەنگاوی دووەم: ژووری بەڕێوەبەری زانیاری بۆ پێدانی زانیاری.

واژو: 

(1) واژوو:
واژووی بەڕێوەبەری گشتی بۆ ئاراستەکردنی داواکارییەکە بۆ ژووری زانیاری.

ژمارەی سەردان: 

(1) سه‌ردان.

پێداویستی لە دامودەزگای تر: 

پێویست ناکات، چونکە ئێمە وەکو ستافی زانیاری سەردانی زۆربەی وەزارەتە پەیوەندیدارەکان دەکەین بۆ بەدەستهێنانی زانیاری بەڵام خزمەتخواز تەنها سەردانی ئێمە دەکات بۆ بەدەستهێنانی زانیاری واتا ئێمە ئەم خزمەتگوزاریەی هەموو بۆ ئامادە دەکەین بێ ئەوەی سەردانی هیچ وەزارەتێک بکات.

زانیاری دەربارەی فۆرم و هاوپێچ: 
نەخێر، پێویست ناکات.
ناونیشان / ئەدرەس: 

ئەدرەسی سەردانی هاوڵاتی دەستەی وەبەرهێنان فەرمانگەی لێکۆلینەوەو زانیاری / ب.گ. وەبەرهێنانی پاریزگاکان

١.دەستەی وەبەرهێنانی ( فەرمانگەی لێکۆلینەوەو زانیاری ) ، رێگای 60 م تەنیشت وەزارەتی رۆشنبیری.
ژمارە تەلەفۆن- 0662531559
٢. بەڕێوەبەرایەتی گشتی وەبەرهێنانی هەولێر ( هەولێر - رێگای کەرکوک ) بەرامبەر هۆتێلی چوارچرا.
ژمارە تەلەفۆن – 0662642079
٣. بەڕێوەبەرایەتی گشتی وەبەرهێنانی سلێمانی (سلێمانی – سەرچنار ) تەنیشت مزگەوتی مەشغلان.
ژمارە تەلەفۆن – 0663287417
٤. بەڕێوەبەرایەتی گشتی وەبەرهێنانی دهۆک (دهۆک – شەقامی مازی) بەرامبەر پەیمانگای پۆلی تەکنیکی.
ژمارە تەلەفۆن – 0627220971
٥. وێب سایتی دەستە: WWW.kurdistaninvestment.org

ئایا ئەم رێنماییە بەسوودبوو؟