کارتی زانیاری

پێویستە خزمەتخواز خۆی ئامادە بێت و سەرۆکی خێزان بێت.

بەڵگەنامەی لایەنگری جێنشینی (موختار) لە مانگێک زیاتر تێپەڕی نەکردبێت لە ڕێککەوتی دەرچوونی.

ئەگەر کەسێک باوکی یان دایکی کارتی زانیاری هەبێت، پێویستی بە سەردانیکردنی بەڕێوەبەرایەتی کارتی زانیاری نییە، بەڵکو تەنیا سەردانی بنکەی پۆلیسی گەڕەک دەکات بەپێی سنووری جوگرافیای خزمەتخواز.

ئەگەر یەکێک هاوسەرگیری بکات و لە ناسنامەی باری شارستانی ئاماژە بەوە نەکرابێت، کە هاوسەرگیری کردووە، پێویستە گرێبەستی هاوسەرگیری (عقد زواج) هەبێت، بۆ دەرکردنی کارتی زانیاری تایبەت بە خۆی.

باری جیابوونەوە بۆ ژن:
- نامەی جیابوونەوە (تەڵاقنامە) لە دادگا.
- ئەگەر منداڵی هەبێت، دەبێت سەردانی دادگا بکات بۆ دەرهێنانی پێسپێری (حجة وصایة)، بە مەبەستی تۆمارکردنی ناوی منداڵەکانی لە کارتی زانیاری.
- ئەگەر هاوسەر کۆچی دوایی کردبوو (ارملة)، دەبێت وەفاتنامەی هاوسەرەکەی پێبێت. پێویست بە پێسپێری (حجة وصایة) ناکات بۆ تۆمارکردنی ناوی منداڵەکانی لەگەڵ خۆی.
- ئەگەر هاوسەر شوێن بزر بوو، هەروەها بەفەرمی جیانەبوونەوە، لە ڕێی سەلماندنی دوو شایەتەوە لە دادگا، دەکرێتە سەرۆکی خێزان بۆ دەرهێنانی کارتی زانیاری.

باری جیابوونەوە بۆ پیاو:
- نامەی جیابوونەوە (طلاق نامە) لە دادگا.
- ئەگەر منداڵی هەبێت، کارتی نیشتمانی منداڵەکانی.