تۆمارکردنى ڕێکخراوە کوردستانییەکان (ناوخۆییەکان)

سەرەتای ڕێکارەکان بە دیاریکردنی ناوی ڕیکخراوەکەوە دەستپێدەکات لە بەڕێوەبەرایەتیی زانیارییەکان، دوای ئەوە لە بەڕێوەبەرایەتیی تۆمار کاتێک دیاریدەکرێت، بە مەبەستی سەردانیکردنی دەستەی دامەزرێنەران بۆ فەرمانگە و وەرگرتنەوەی بڕوانامە، دوای دیاریکردنی ناو و کاتەکە، دەبێت ئەم ڕێککارانە بگیرێتە بەر:

ئامادەکردنی پەیڕەوی ناوەخۆی ڕێکخراو، کە هاوتا بێت لەگەڵ یاسا و لە ناو پەیڕەوەکە لۆگۆی تایبەت بە ڕێکخراو هەبێت، کە مانادار بێت و بگونجێت لەگەڵ ئامانجی ڕێکخراوەکە.

لە کاتی دیاریکراو دەستەی دامەزرێنەران سەردانی فەرمانگە دەکەن.

لە بەڕێوەبەرایەتیی زانیارییەکان فۆڕمی جێگیرکردنی ناوی ڕێکخراو پڕدەکرێتەوە.

بەڕێوەبەرایەتیی یاسایی وردبینی بۆ پەیڕەوی ناوخۆ دەکات و دۆسییەکە ئاڕاستەی سەرۆکی فەرمانگە دەکرێت.

سەرۆکی فەرمانگە لەگەڵ دەستەی دامەزرێنەران کۆدەبێتەوە.

دۆسییەکە ئاڕاستەی بەڕێوەبەرایەتیی تۆماردەکرێت بۆ دروستکردنی بڕوانامە.

بەڕێوەبەرایەتیی تۆمار بڕوانامەی تۆمار دروستدەکات بۆ ڕێکخراوەکە و لە کۆتاییشدا سەرۆکی فەرمانگە واژۆ لەسەر بڕوانامەکە دەکات.