سەرەتا دۆسیەی تایبەت بە ڕێکخراوەکە ئامادە دەکرێت کە دەبێت ئەم دۆکیومێنتانەی خوارەوە لەخۆ بگرێت:
- بڕوانامەی ڕێکخراو، ئەسڵی، لەگەڵ وەرگێڕانی بۆ زمانی کوردی، ئەرێکرا بێت.
- پەیڕەوی ناوخۆی ڕێکخراو، لەگەڵ وەرگێڕانی بۆ زمانی کوردی، ئەرێکرا بێت.
- نوسراوی دیاریکردنی بەڕێوەبەر بۆ لقی هەرێم بە زمانی ئینگلیزی و کوردی.
- پلانی کاری ڕێکخراو لە هەرێمی کوردستان بۆ ماوەی سالێک بە هەردوو زمانی ئینگلیزی و کوردی.
ئەم دۆکیومێنتانە لەگەڵ نوسراوێکی داواکاری کردنەوەی لق لە هەرێم ئاراستەی فەرمانگە دەکرێت.

واردكردنی داواکارییەکە لە بەڕێوەبەرایەتی کارگێڕی و ئاراستەکردنی بۆ سەرۆکی فەرمانگە.

سەرۆکی فەرمانگە بە پەراوێز دۆسیەکە ئاراستەی بەڕێوەبەرایەتی (تۆمار، یاسایی، زانیارییەکان) دەکات.

بەڕێوەبەرایەتی تۆمار وردبینی لە دۆکیومێنتەکان دەکات و پسولە و کۆدی تایبەت دەدات بە ڕێکخراوەکە.

بەڕێوەبەرایەتی یاسایی وردبینی یاسایی بۆ سەرجەم دۆکیومێنتەکان و پەیڕەوی ناوخۆ دەکات.

بەڕێوەبەرایەتی زانیارییەکان زانیارییەکانی تایبەت بە ڕێکخراوەکە لە داتابەیس تۆمار دەکات.

دۆسیەکە دەگەڕێتەوە لای سەرۆکی فەرمانگە، پەراوێز دەنوسێت بۆ بەڕێوەبەرایەتی تۆمار بۆ دروستکردنی بڕوانامە.

بەڕێوەبەرایەتی تۆمار بڕوانامەکە دروست دەکات و سەرۆکی فەرمانگە واژۆ دەکات.