تۆمارکردنى ڕێکخراوە بیانییەکان

سەرەتا دۆسییەی تایبەت بە ڕێکخراوەکە ئامادەدەکرێت کە دەبێت ئەم دۆکیومێنتانەی خوارەوە لەخۆ بگرێت:
- بڕوانامەی ڕێکخراو، ئەسڵی، لەگەڵ وەرگێڕانی بۆ زمانی کوردی، ئەرێکرا بێت.
- پەیڕەوی ناوخۆی ڕێکخراو، لەگەڵ وەرگێڕانی بۆ زمانی کوردی، ئەرێکرا بێت.
- نووسراوی دیاریکردنی بەڕێوەبەر بۆ لقی هەرێم بە زمانی ئینگلیزی و کوردی.
- پلانی کاری ڕێکخراو لە هەرێمی کوردستان بۆ ماوەی ساڵێک بە هەردوو زمانی ئینگلیزی و کوردی.
ئەم دۆکیومێنتانە لەگەڵ نووسراوێکی داواکاری بۆ کردنەوەی لق لە هەرێم ئاڕاستەی فەرمانگە دەکرێت.

واردكردنی داواکارییەکە لە بەڕێوەبەرایەتیی کارگێڕی و ئاڕاستەکردنی بۆ سەرۆکی فەرمانگە.

سەرۆکی فەرمانگە بە پەراوێز دۆسییەکە ئاڕاستەی بەڕێوەبەرایەتی (تۆمار، یاسایی، زانیارییەکان) دەکات.

بەڕێوەبەرایەتیی تۆمار، وردبینی لە دۆکیومێنتەکان دەکات و پسوولە و کۆدی تایبەت دەدات بە ڕێکخراوەکە.

بەڕێوەبەرایەتیی یاسایی، وردبینی یاسایی بۆ سەرجەم دۆکیومێنتەکان و پەیڕەوی ناوخۆدەکات.

بەڕێوەبەرایەتیی زانیارییەکان، زانیارییەکانی تایبەت بە ڕێکخراوەکە لە داتابەیس تۆماردەکات.

دۆسییەکە دەگەڕێتەوە لای سەرۆکی فەرمانگە، پەراوێز دەنوسێت بۆ بەڕێوەبەرایەتیی تۆمار بۆ دروستکردنی بڕوانامە.

بەڕێوەبەرایەتیی تۆمار بڕوانامەکە دروستدەکات و سەرۆکی فەرمانگە واژۆ دەکات.